হাওৰাঘাটত সীমাকেন্দ্ৰিক বিবাদ; বাঁহেৰে মৰিয়াই হত্যা 1 জনক

হাওৰাঘাটত পথাৰৰ পানী আৰু সীমাকেন্দ্ৰিক বিবাদৰ বাবে এজনক বাঁহেৰে মৰিয়াই হত্যা ৷ পৰৱৰ্তী সময়ত হাওৰাঘাট আৰক্ষী ঘটনাস্থলীত উপস্থিত হৈ হত্যাকাৰী জিৰছং তেৰাঙক আটক কৰি ৰুজু কৰিছে গোচৰ।

ডিফু, ৩১ জুলাইঃ কাৰ্বি আংলঙৰ হাওৰাঘাটত পথাৰৰ পানী আৰু সীমা কেন্দ্ৰিক সংঘাত ৷ জানিব পৰা মতে মঙলবাৰে হাওৰাঘাট থানাৰ অন্তৰ্গত অক্ কেৰেং নিহাং ইংতি গাঁৱত পথাৰৰ পানী আৰু সীমাক কেন্দ্ৰ কৰি দুজনৰ মাজত সৃষ্টি হোৱা কাজিয়াই ভয়াৱহ ৰূপ লয় । গাঁওখনৰে জিৰছং তেৰাং নামৰ এজন যুৱকে অতি নিৰ্মমভাবে বাঁহেৰে প্ৰহাৰ কৰি বাবু টেৰণক হত্যা কৰে । বুকুৰ কামিহাড় আৰু ৰাজহাড়ত প্ৰচণ্ড আঘাত পোৱা বাবু টেৰণে প্ৰায় তিনি ঘন্টাৰ পিছত চিকিৎসাৰ অভাৱত নিজ গৃহত প্ৰাণ ত্যাগ কৰে । পৰৱৰ্তী সময়ত হাওৰাঘাট আৰক্ষী ঘটনাস্থলীত উপস্থিত হৈ হত্যাকাৰী জিৰছং তেৰাঙক কৰায়ত্ত কৰি এক গোচৰ ৰুজু কৰিছে ।