ষ্ট্ৰং ৰুমৰ নিৰাপত্তা ব্যৱস্থা পৰিদৰ্শন ৰকিবুল হুছেইনৰ

বুধবাৰে বোকাজানত ষ্ট্ৰং ৰুমৰ নিৰাপত্তা ব্যৱস্থা পৰিদৰ্শন বিধায়ক ৰকিবুল হুছেইনৰ ৷ এইবাৰ অসমত কংগ্ৰেছৰ চৰকাৰ হোৱাতো নিশ্চিত বুলি মন্তব্য বিধায়কগৰাকীৰ ৷

ডিফু,29 এপ্ৰিল: বোকাজানত বুধবাৰে উপস্থিত হৈ ষ্ট্ৰং ৰুমৰ নিৰাপত্তা ব্যৱস্থা পৰিদৰ্শন কৰে কংগ্ৰেছ বিধায়ক ৰকিবুল হুছেইনে ৷ সাংবাদিকৰে সৈতে হোৱা বাৰ্তালাপত এইবাৰ কংগ্ৰেছৰ নেতৃত্বত চৰকাৰ গঠন হোৱাতো খাটাং বুলি মন্তব্য কৰে বিধায়ক গৰাকীয়ে । নিৰ্বাচন আয়োগে যিদৰে নিৰপেক্ষ ভূমিকা পালন কৰিব লাগিছিল বহুক্ষেত্ৰত লোৱা নাই বুলিও অভিযোগ কৰে কংগ্ৰেছ নেতাগৰাকীয়ে ।

উল্লেখ্য যে, 2 মে’ত হ’বলগীয়া ভোট গণনা নিৰপেক্ষ হোৱাতো বিচাৰিছে বিধায়ক হুছেইনে । বোকাজান ভ্ৰমণত প্ৰাক্তন মন্ত্ৰীগৰাকীক সংগ দিয়ে কাৰ্বি আংলঙৰ কংগ্ৰেছ নেতা তথা প্ৰাক্তন মন্ত্ৰী খৰছিং ইংতি, বোকাজান বিধানসভা সমষ্টিৰ কংগ্ৰেছ প্ৰাৰ্থী ৰতন ইংতিৰ লগতে কংগ্ৰেছ দলৰ বহু দলীয় কৰ্মীয়ে ৷

লগতে পঢ়ক :চুমিলা ৰংহাঙপীৰ মৰণোত্তৰ পৰীক্ষাৰ ফলাফলকলৈ সৃষ্টি নতুন বিতৰ্কৰ