কাৰ্বি আংলঙৰ মাঞ্জাত চেগুণ ভর্তি ট্রাক জব্দ

ৰাজ্যত অব্যাহত আছে কাঠৰ চোৰাং সৰবৰাহ । কার্বি আংলং জিলাৰ মাঞ্জা আৰক্ষীয়ে বৃহস্পতিবাৰে পুৱাৰ ভাগত অভিযান চলাই চেগুণ ভর্তি এখন ট্রাক জব্দ কৰিবলৈ সক্ষম হয় ।

ডিফু,২৫ মার্চ:চাৰিওফালে নিৰ্বাচনী তৎপৰতা । তাৰ মাজতে ৰাজ্যত অব্যাহত আছে কাঠৰ চোৰাং সৰবৰাহ ।কার্বি আংলং জিলাৰ মাঞ্জা আৰক্ষীয়ে বৃহস্পতিবাৰে পুৱাৰ ভাগত অভিযান চলাই চেগুন ভর্তি এখন ট্রাক জব্দ কৰিবলৈ সক্ষম হয় ।

জানিব পৰা মতে, পুৱাৰ ভাগত ডিফুৰ পৰা মাঞ্জা অভিমুখে এখন ট্রাক আহি থকাৰ তথ্য মাঞ্জা আৰক্ষীয়ে গােপন সূত্রে লাভ কৰে । লগে লগে মাঞ্জা থানাৰ ভাৰপ্রাপ্ত বিষয়া জিতুমণি ডেকাৰ নেতৃত্বত আৰক্ষীৰ এটা দলে অভিযান চলাই চেগুণ ভর্তি ট্রাকখন জব্দ কৰিবলৈ সক্ষম হয় ।

ট্রাকখনৰ কোনাে বৈধ নথি-পত্র অবিহনেই কাঠখিনি সৰবৰাহ কৰিছিল বুলি আৰক্ষীয়ে জানিবলৈ দিয়ে । আৰক্ষীয়ে বাহনখন জব্দ কৰাৰ পিছত চালকসহ ট্রাকখন জিলা বন বিভাগৰ ডিফু সংমণ্ডলৰ হাতত চমজাই দিয়ে ৷

লগতে পঢ়ক:তিনিচুকীয়াত ব্ৰাউন চুগাৰসহ এজনক আটক