কাৰ্বি আংলঙৰ মাঞ্জাত ডিএনএলএৰ লিংকমেন আটক

মাঞ্জাত ডিএনএলএৰ মহিলা লিংকমেন আটক ৷ মাঞ্জা আৰক্ষীয়ে আটক কৰিবলৈ সক্ষম হৈছে উগ্ৰপন্থী সংগঠনটোৰ মহিলা লিংকমেন গৰাকীক ৷

ডিফু, 14 ছেপ্তেম্বৰঃ কাৰ্বি আংলং জিলাৰ মাঞ্জা আৰক্ষীয়ে নৱগঠিত উগ্ৰপন্থী সংগঠন ডিমাছা নেশ্যনেল লিবাৰেশ্যন আৰ্মী চমুকৈ ডিএনএলএৰ এগৰাকী মহিলা লিংকমেনক আটক কৰা ঘটনাই চাঞ্চল্যৰ সৃষ্টি কৰিছে ৷ এজন ব্যৱসায়ীৰ পৰা ধন আদায় কৰাৰ গোপন স্বীকোৰোক্তিৰ ভিত্তিত মাঞ্জা থানাৰ ভাৰপ্ৰাপ্ত বিষয়া জিতুমনি ডেকাৰ নেতৃত্বত মাঞ্জা আৰক্ষীয়ে মাঞ্জা থানা এলেকাধীন আপাৰ ইকৰাণীৰ নিজ ঘৰৰ পৰা টুনকিম বডোচা নামৰ মহিলা গৰাকীক আটক কৰিবলৈ সক্ষম হয় ৷ ধৃত মহিলা লিংকমেনগৰাকীৰ পৰা নগদ ৮ হাজাৰ টকা উদ্ধাৰ কৰিছে বুলি আৰক্ষীৰ সূত্ৰে জানিব পৰা গৈছে ৷ ঘটনা সন্দৰ্ভত আৰক্ষীয়ে গোচৰ ৰুজু কৰি জেৰা অব্যাহত ৰাখিছে ৷