ডিফুত লক ডাউন অমান্য কৰা চাৰিজনক আটক

ডিফুত শুকুৰবাৰে সন্ধিয়া লক ডাউন অমান্য কৰাৰ বাবে আটক হ'ল চাৰিজন । ডিফু নগৰ আৰক্ষী চকীৰ ভাৰপ্ৰাপ্ত বিষয়া হাওকাম চাংচনৰ নেতৃত্ব আৰক্ষীৰ এক টহলদাৰী দলে বিনা কাৰণত ঘূৰি থকাৰ বাবেই আটক কৰে লোক কেইজন ৷

ডিফু, ৩ এপ্ৰিলঃ পাহাৰীয়া জিলাৰ সদৰ চহৰ ডিফুত প্ৰথমবাৰৰ বাবে লক ডাউন অমান্য কৰাৰ বাবে আটক হ'ল চাৰিজন ৷ শুকুৰবাৰে সন্ধিয়াৰ ভাগত আটক হয় লোক কেইজন ৷ সন্ধিয়াৰ ভাগত ডিফু চহৰৰ পাৱাৰ হাউছ বজাৰ এলেকাত বিনা কাৰণত ফূৰি থকাৰ বাবে আটক হ'ল লোক কেইজন ৷ ডিফু নগৰ আৰক্ষী চকীৰ ভাৰপ্ৰাপ্ত বিষয়া হাওকাম চাংচনৰ নেতৃত্ব আৰক্ষীৰ এক টহলদাৰী দলে বিনা কাৰণত ঘূৰি থকাৰ বাবেই আটক কৰে লোক কেইজন ৷ আটকাধীন লোক কেইজন ক্ৰমে, জয় লাল দাস, সঞ্জয় ছাহ, হৃত নাৰায়ণ প্ৰসাদ আৰু ছইদুল হক ৷ এই সন্দৰ্ভত ডিফু থানাত এক গোচৰ ৰুজু কৰিছে বুলি জানিবলৈ দিয়ে ডিফু নগৰ আৰক্ষী চকীৰ ভাৰপ্ৰাপ্ত বিষয়া গৰাকীয়ে ৷

উল্লেখ্য যে , লকডাউনৰ নিয়ম অমান্য কৰি ডিফু চহৰত অনাহকত টিঘিলঘিলাই ফুৰা একাংশ লোকৰ বাবেই ডিফু আৰক্ষী এই ক্ষেত্ৰত কঠোৰ হোৱা পৰিলক্ষিত হৈছে ৷