বৈঠালাংছʼত নিচাযুক্ত সামগ্ৰীসহ যুৱক আটক

বৈঠালাংছʼত নিচাযুক্ত সামগ্ৰীসহ যুৱক আটক ৷ বৈঠালাংছʼ আৰু ডংকামোকাম আৰক্ষীৰ এটা দলে চলোৱা অভিযানত এজন যুৱকৰ আৰক্ষীয়ে উদ্ধাৰ কৰে কেতবোৰ আপত্তিজনক সামগ্ৰী (Karbianglang police seized drugs) ৷

ডিফু, ৩০ জানুৱাৰী :পশ্চিম কাৰ্বি আংলং জিলাৰ বৈঠালাংছʼ থানাৰ অন্তৰ্গত ডংকা বৰ আংলঙত দেওবাৰে আৰক্ষীয়ে অভিযান চলাই বুজন পৰিমাণৰ নিচাযুক্ত দ্ৰব্যসহ এজন যুৱকক আটক কৰিবলৈ সক্ষম হৈছে (Karbianglang police aressted drug peddler) । ঘটনাৰ বিৱৰণ অনুসৰি, এক নিৰ্ভৰযোগ্য সূত্ৰে লাভ কৰা তথ্যৰ ভিত্তিত বৈঠালাংছʼ আৰু ডংকামোকাম আৰক্ষীৰ এটা দলে চলোৱা অভিযানত এজন যুৱকৰ আৰক্ষীয়ে উদ্ধাৰ কৰে কেতবোৰ আপত্তিজনক সামগ্ৰী ৷

যুৱকজনৰ জিম্মাৰ পৰা ১.২৬ গ্ৰাম সন্দেহযুক্ত হেৰʼইন, ২০ টা নিচাযুক্ত কেপচুল আৰু দুটা ছিৰিঞ্জ জব্দ কৰিবলৈ সক্ষম হয় আৰক্ষী (Karbianglang police seized drugs) । ধৃত যুৱকজন মৰিগাঁও জিলাৰ জাগীৰোড নেলীৰ অংকুৰ বৰা (২৩) বুলি চিনাক্ত কৰা হৈছে । আনহাতে,‌ জেকচন হাঞ্চে নামৰ আন এজন যুৱক উক্ত স্থানৰ পৰা পলায়ন কৰা বুলি জানিব পৰা গৈছে ।

জেকচন নামৰ যুৱকজনে ধৃত অংকুৰক নিষিদ্ধ ড্ৰাগছ সৰবৰাহৰ বাবে অহাৰ সন্দেহ কৰা হৈছে। এই সন্দৰ্ভত ০৯/২২ নম্বৰত এক গোচৰ পঞ্জীয়ন কৰি তদন্ত অব্যাহত ৰখা হৈছে ।
লগতে পঢ়ক :ফটো ভাইৰেল কৰাৰ ভাবুকিৰে কিশোৰীক যৌন অতিশয্য