ডিফু, ২৮ ফেব্ৰুৱাৰীঃ২০২১ চনৰ অসম বিধান নিৰ্বাচনৰ অধিসূচনা জাৰি হোৱাৰ লগে লগে কাৰ্বি আংলং জিলা প্ৰশাসন বিশেষভাৱে তৎপৰ হৈছে ৷ এইলৈ জিলা উপায়ুক্ত চন্দ্ৰধ্বজ সিনহাই ডিফু আৱৰ্ত ভৱনত দেওবাৰে এক সংবাদমেলৰ আয়োজন কৰে ৷
জিলা উপায়ুক্ত গৰাকীয়ে সংবাদ মাধ্যমক সম্বোধন কৰি কয়, ১৮ নং হাওৰাঘাট(জনজাতীয়) আৰু ১৯ নং ডিফু (জনজাতীয়) বিধান সভা সমষ্টিৰ বাবে ৰিটাৰ্ণিং বিষয়া পাৰ্থ প্ৰতিম জহ'ৰী আৰু জিলা উপায়ুক্ত চন্দ্ৰধ্বজ সিনহা নিজে ৰিটাৰ্ণিং বিষয়াৰ দায়িত্ব গ্ৰহণ কৰিছে ৷
নিৰ্বাচনৰ সন্দৰ্ভত কি ক'লে কাৰ্বি আংলং জিলা উপায়ুক্তই...
দুয়োটা সমষ্টিত মুঠ ৫০০ টা ভোট কেন্দ্ৰ স্থাপন কৰা হ’ব, ইয়াৰে ৪২৫ টা মূল কেন্দ্ৰ আৰু ক'ভিড প্ৰটকলৰ বাবে অতিৰিক্তভাৱে ৭৫ টা কেন্দ্ৰ স্থাপন কৰা হ’ব ৷ মুঠ ভোটাৰৰ সংখ্যা ৩,২৮,৮৪২ গৰাকীৰ পুৰুষ ভোটাৰ ১৬৪,২৬৯ আৰু মহিলা ভোটাৰ হ'ল ১,৬৪, ৫৭৩ গৰাকী ৷