ক'ভিডত আক্ৰান্ত হৈ প্ৰাণ হেৰুৱালে সাংবাদিক ৰুবুল দিহিঙীয়াই

ক'ভিড-১৯ ৰ ভয়াৱহ সংক্ৰমণৰ সময়তো নিষ্ঠাৰে কৰ্তব্য পালন কৰি অৱশেষত চিৰবিদায় মাগিলে বোকাজানৰ সাংবাদিক ৰুবুল দিহিঙীয়াই । দেওবাৰে নিশা গুৱাহাটী চিকিৎসা মহাবিদ্যালয় হাস্পতালত শেষ নিশ্বাস ত্যাগ কৰে সাংবাদিকগৰাকীয়ে । ৰুবুল দিহিঙীয়াৰ মৃত্যুৰ খবৰে এতিয়া মৰ্মাহত কৰিছে সংবাদ কৰ্মীসকলক ।

ডিফু,১৭ মে': কাৰ্বি ভূমিত কৰ'ণাই প্ৰাণ কাঢ়িলে এগৰাকী সাংবাদিকৰ । দেওবাৰে নিশা চিৰবিদায় মাগিলে কাৰ্বি আংলঙৰ বোকাজানৰ সাংবাদিক ৰুবুল দিহিঙীয়াই । কৰ'ণাত আক্ৰান্ত হৈ গুৱাহাটী চিকিৎসা মহাবিদ্যালয় হাস্পতালত চিকিৎসাধীন হৈ আছিল সাংবাদিকগৰাকী ।

অৱশেষত মৃত্যুৰে হাৰ মানিলে দেওবাৰে নিশা ১২.৪৫ মিনিটত শেষ নিশ্বাস ত্যাগ কৰে সাংবাদিক ৰুবুল দিহিঙীয়াই । সাংবাদিকগৰাকীৰ হাওঁফাওঁ সম্পূৰ্ণৰূপে বিকল হৈ পৰে । সাংবাদিকতাৰ উপৰিও সমাজৰ বিভিন্ন অনুষ্ঠানত অগ্ৰণী ভূমিকা পালন কৰিছিল দিহিঙীয়াই ।

এটা ব্যক্তিগত চেনেলত তেওঁ কৰ্মৰত হৈ আছিল বুলি জানিব পৰা গৈছে ৷ ৰুবুল দিহিঙীয়াৰ মৃত্যুৱে গভীৰ শোকৰ ছাঁ পেলাইছে সমগ্ৰ বোকাজানত ৷ তেওঁ বিয়োগে শোকবিহ্বল কৰি তুলিছে সংবাদকৰ্মীসকলক ।

লগতে পঢ়ক: মুখলজ্জা ঢাকিবলৈ জীৱন্তে পুতিলে নৱজাতকক