পশ্চিম কাৰ্বি আংলঙত জব্দ লক্ষাধিক মূল্যৰ চেগুনৰ কুণ্ডা

বৈঠালাংছৰ কাৰ্বি লাংপি নদীত ৰাইজে জব্দ কৰে নাওসহ লক্ষাধিক টকাৰ চেগুন কাঠৰ কুণ্ডা ৷

ডিফু,25 মে’: পশ্চিম কাৰ্বি আংলঙত অব্যাহত আছে চোৰাং কাঠৰ ৰমৰমীয়া বেহা ৷ বন বিভাগৰ চকুৰ ধূলি দি নিতৌ জিলাখনৰ বিভিন্ন প্ৰান্তত চলে এই ৰমৰমীয়া বেহা ৷

মঙলবাৰে পুৱা কাৰ্বি লাংপিৰ (বৰপানী) নদীৰে নগাঁও-মৰিগাঁও জিলাৰ বিভিন্ন অঞ্চললৈ নাৱেৰে চোৰাংভাৱে চেগুন কাঠৰ কুণ্ডা সৰবৰাহ কৰিবলৈ লওঁতেই হাতে-লোটে স্থানীয় ৰাইজে জব্দ কৰে চেগুনৰ কুণ্ডাৰ লগতে দুখনকৈ নাও ৷ জব্দ হোৱা কুণ্ডাখিনিৰ বজাৰ মূল্য বহু লক্ষাধিক টকা বুলি জানিব পৰা গৈছে ৷

উল্লেখ্য যে, জিলাখনৰ মাজেৰে বৈ যোৱা কাৰ্বি লাংপি, কলং-কপিলী নদীত সঘনে দিন-দুপৰতে সৰবৰাহ হয় চোৰাং কাঠ ৷ কিন্তু কৰ্তব্যৰ নামত নিৰ্বিকাৰ বন বিভাগ ৷ এই অভিযোগ উত্থাপন কৰিছে স্থানীয় ৰাইজে ৷

লগতে পঢ়ক:য়াছৰ ফলত ওড়িশা-পশ্চিমবংগৰ সীমান্তত ভূমিস্খলনৰ সম্ভাৱনা