ডিফু, ৩১ অক্টোবৰ :কাৰ্বি আংলং জিলাৰ বকলীয়াঘাটত শনিবাৰে নিশা বন বিভাগে অভিযান চলাই বুজন পৰিমাণৰ চোৰাং কাঠ জব্দ কৰাৰ লগতে 10টা চোৰাং কাঠ সৰবৰাহকাৰীক গ্ৰেপ্তাৰ কৰিবলৈ সক্ষম হয় । কলীয়াঘাটস্থিতত কার্যালয়ৰ সহকাৰী বন সংৰক্ষক হৰিনাথ ৰংহাঙৰ নেতৃত্বত বনকর্মীৰ এটা দলে হোজাই-কাৰ্বি আংলং জিলাৰ সীমান্তৱর্তী এলেকাত চোৰাং কাঠৰ সৰবৰাহকাৰী চক্ৰৰ বিৰুদ্ধে চলায় এই অভিযান ।
বকলীয়াঘাটত চোৰাং কাঠসহ আটক ১০
উক্ত অভিযানৰ সময়ত বনকর্মীৰ দলটোৱে সীমান্তৱর্তী এলেকাৰ লগতে ৰজাপথাৰ তিনিআলিৰ পৰা দুখনকৈ চোৰাং কাঠভৰ্তি টাটা মোবাইল বাহন জব্দ কৰিবলৈ সক্ষম হয় । জব্দ হোৱা বাহন দুখনৰ নম্বৰ ক্ৰমে এ এছ-০১-বি চি-৮২১৯ আৰু এ এছ-০৮-৬২০৪ বুলি জানিব পৰা গৈছে । জব্দ হোৱা কাঠখিনিৰ বজাৰমূল্য প্ৰায় এক লাখ টকা বুলি বন বিভাগৰ সূত্ৰই জানিবলৈ দিয়ে ।