ডিফু, 4 নৱেম্বৰ :বোকাজান মহকুমা আৰক্ষীয়ে বৃহস্পতিবাৰে খটখটীৰ পৰা বৃহৎ পৰিমাণৰ ড্ৰাগছ জব্দ কৰে ৷ বোকাজান মহকুমাৰ মহকুমা আৰক্ষী বিষয়া জন দাসৰ নেতৃত্বত খটখটী আৰক্ষী চকীৰ ভাৰপ্ৰাপ্ত আৰক্ষী বিষয়া মৌব্লিক ব্ৰহ্মই আৰক্ষী উপ পৰিদৰ্শক নিতুল শইকীয়াৰ সহযোগত চলোৱা এক তালাচী অভিযানত উদ্ধাৰ কৰে ড্ৰাগছখিনি ৷
খটখটী আৰক্ষীয়ে ডিমাপুৰৰ দিশৰ পৰা আহি থকা AS-09-0047 নম্বৰৰ এখন স্কুটিৰ পৰা পাঁচটা চাবোনৰ বাকচত সৰবৰাহ কৰি অনা ড্ৰাগছখিনি জব্দ কৰিবলৈ সক্ষম হয় । খটখটী আৰক্ষীয়ে ড্ৰাগছখিনি সৰবৰাহ কৰি অনা যুৱকজনকো আটক কৰে ৷ আটকাধীন যুৱক খটখটী আৰক্ষী চকীৰ অন্তৰ্গত ফুলবাৰী অঞ্চলৰ কাৰ্তিক কলিতা বুলি জানিব পৰা হৈছে ৷
খটখটীত লক্ষাধিক টকাৰ ড্ৰাগছ জব্দ