ডিফু, ১৯ ডিচেম্বৰ : কাৰ্বি আংলং জিলাৰ লংনিটৰ সমীপৱৰ্তী চিলনীৰ এক পৰ্যটনস্থলীত শনিবাৰে আপকুৰ কেন্দ্ৰীয় কাৰ্যনিৰ্বাহক সভা অনুষ্ঠিত হয় (APCU executive meeting at Karbi Anglong) ৷ সংগঠনটোৰ কেন্দ্ৰীয় সভাপতি আব্দুল খালেক, সাধাৰণ সম্পাদক শৰৎ শেনচোৱাকে ধৰি সকলো বিষয়ববীয়া তথা কাৰ্যকৰী সদস্যসকলৰ উপস্থিতিত সন্থাৰ দাবী সন্দৰ্ভত আলোচনা কৰা হয় ৷
প্ৰতিনিধি সভাৰ অন্তত সাংবাদিকৰ সৈতে হোৱা বাৰ্তালাপত আপকুৰ সভাপতি মঃ আব্দুল খালেকে কয় যে, এই সভাত মফচলীয় সাংবাদিকসকলৰ বিভিন্ন সমস্যা সন্দৰ্ভত আলোচনা কৰা হয় । বিশেষকৈ অসমৰ মফচলীয়া সাংবাদিকসকলে আৰ্থিক নিৰাপত্তাহীনতাত ভূগি অহা দিশটোৰ প্ৰতি গুৰুত্ব প্ৰদান কৰি মাঝিথিয়া আয়োগৰ নীতি-অনুসৰি সাংবাদিকসকলক দৰমহা প্ৰদান কৰাৰ বাবে দাবী জনায় ৷