প্ৰাক্তন ৰাজ্যিক শিক্ষামন্ত্ৰী ৰূপন ছিং ৰংহাঙৰ দেহাৱসান

ডিফু অসামৰিক চিকিৎসালয়ত চিকিৎসাধীন অৱস্থাতে নিশা শেষ নিশ্বাস ত্যাগ প্ৰাক্তন ৰাজ্যিক শিক্ষামন্ত্ৰী ৰূপন ছিং ৰংহাঙৰ ৷ দীৰ্ঘদিন ধৰি জটিল ৰোগত আক্ৰান্ত হৈ চিকিৎসাধীন হৈ আছিল প্ৰাক্তন মন্ত্ৰীগৰাকী ৷

ডিফু, 18 নৱেম্বৰঃ প্ৰাক্তন মন্ত্ৰী ৰূপন ছিং ৰংহাঙৰ দেহাৱসান ৷ ডিফু অসামৰিক চিকিৎসালয়ত চিকিৎসাধীন অৱস্থাতে নিশা শেষ নিশ্বাস ত্যাগ কৰে প্ৰাক্তন মন্ত্ৰীগৰাকীয়ে ৷ দীৰ্ঘদিন ধৰি জটিল ৰোগত আক্ৰান্ত হৈ চিকিৎসাধীন হৈ আছিল প্ৰাক্তন মন্ত্ৰীগৰাকী ৷ দেওবাৰে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ডিফু অসামৰিক চিকিৎসালয়ত উপস্থিত হৈ মন্ত্ৰী গৰাকীৰ স্বাস্থ্যৰ বুজ লৈছিল ৷ উল্লেখ্য যে, তৰুণ গগৈৰ প্ৰথমটো কাৰ্যকালত ৰাজ্যিক শিক্ষামন্ত্ৰী আছিল ৰূপন ছিং ৰংহাং ৷

সোমবাৰে পুৱা মন্ত্ৰীগৰাকীৰ নশ্বৰ দেহ কাৰ্বি পাহাৰৰ ভকচঙৰ নিজ বাসগৃহলৈ লৈ অনা হয় ৷ মঙলবাৰে শেষকৃত্য সম্পন্ন কৰা হ’ব মন্ত্ৰীগৰাকীৰ ৷