ডিফুৰ কয়লাজানত পথ দুৰ্ঘটনাঃআহত 3

ডিফুৰ কয়লাজানত শুকুৰবাৰে বিয়লি সংঘটিত হোৱা এক ভয়ংকৰ পথ দুৰ্ঘটনাত তিনিজন লোক গুৰুতৰভাৱে আহত হয় । হাৰ্ডৱেৰৰ সামগ্ৰী কঢ়িয়াই নিয়া ৪০৭ ট্ৰাক এখনে নিয়ন্ত্ৰণ হেৰুৱাই পথৰ দাঁতিত থকা শিলত খুন্দা মাৰি বাগৰি পৰে ৷ আহতসকলক মাঞ্জা অসামৰিক চিকিৎসালয়ত ভৰ্ত্তি কৰোৱা হয় ৷

ডিফু,28 ফেব্ৰুৱাৰীঃ ডিলাই আৰক্ষী থানাৰ অন্তৰ্গত কয়লাজানত শুকুৰবাৰে বিয়লি সংঘটিত হোৱা এক ভয়ংকৰ পথ দুৰ্ঘটনাত তিনিজন লোক গুৰুতৰভাৱে আহত হয় । ঘটনাৰ বিৱৰণী অনুসৰি,বিয়লি প্ৰায় 2.30 বজাত এ এছ ০৯ এ চি ৩৩৫৩ নম্বৰৰ হাৰ্ডৱেৰৰ সামগ্ৰী কঢ়িয়াই নিয়া ৪০৭ ট্ৰাক এখনে নিয়ন্ত্ৰণ হেৰুৱাই পথৰ দাঁতিত থকা শিলত খুন্দা মাৰি পথতে বাগৰি পৰে ৷ ফলত ট্ৰাকখনৰ চালককে ধৰি তিনিজন লোক গুৰুতৰভাৱে আহত হয় ।

স্থানীয় লোকৰ তৎপৰতাত আহতসকলক মাঞ্জা অসামৰিক চিকিৎসালয়ত ভৰ্ত্তি কৰোৱা হয় ৷ কিন্তু ব্যক্তিকেইজনৰ আঘাত গুৰুতৰ হোৱাৰ বাবে সংকটজনক অৱস্থাত ডিফু চিকিৎসা মহাবিদ্যালয় চিকিৎসালয়লৈ প্ৰেৰণ কৰা হয় । দুৰ্ঘটনাটোত আহত লোককেইজন জীতেন্দ্ৰ সিং,তিলি বৰদলৈ,মিৰচন হাঞ্চে বুলি জানিব পৰা গৈছে ৷

লগতে চাওকঃ তেজপুৰত উৎকোচ গ্ৰহণৰ সময়ত কৰায়ত্ত অভিযন্তা