ডিফুৰ বান পৰিস্থিতি পৰিদৰ্শন মন্ত্ৰী কেশৱ মহন্ত আৰু ছুম ৰংহাঙৰ

দুয়ো নেতাই বানাক্ৰান্ত সকলৰ পৰিস্থিতি বুজ লোৱাৰ লগতে এই সন্দৰ্ভত স্থানীয় প্ৰশাসনৰ সৈতে আলোচনাত মিলিত হৈ বানাক্ৰান্ত সকলক অতি শীঘ্ৰে সাহায্য প্ৰদান কৰা হ’ব বুলি জানিবলৈ দিয়ে ৷

ডিফু, 28 অক্টোবৰ: সোমবাৰে পাহাৰীয়া জিলাৰ সদৰ চহৰ ডিফুত উপস্থিত হৈ বান পৰিস্থিতিৰ বুজ লয় ৰাজ্য চৰকাৰৰ জলসম্পদ আৰু পাৰ্বত্য উন্নয়ন মন্ত্ৰী ক্ৰমে কেশৱ মহন্ত আৰু ছুম ৰংহাঙে ৷

এই দুই মন্ত্ৰীৰ লগত সংগ দিয়ে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ৷ ডিফুৰ বান বিধ্বস্ত এলেকা সমূহৰ লগতে আশ্ৰয় শিবিৰ সমূহ পৰিদৰ্শন কৰাৰ লগতে পৰিস্থিতি আৰু বানাক্ৰান্তৰ ৰাইজৰ বুজ লয় মন্ত্ৰীদ্বয়ে ৷

উল্লেখ্য যে, যোৱা কেইবাদিন ধৰি পাহাৰত হোৱা নেৰানেপেৰা বৰষুণৰ ফলতেই নামি অহা পানীৰ ঢলে ডিফু চহৰৰ লগতে পানবাৰী, ছাৰ্থেকলনি, শিৱবাৰী, ধৰমনালা হৰিলালবস্তি আদি অঞ্চলত বানৰ সৃষ্টি কৰে ৷ ইয়াৰ পাচতেই মুখ্যমন্ত্ৰী সৰ্বানন্দ সোণোৱালৰ নিৰ্দেশ মৰ্মে ডিফুত উপস্থিত হয় কেশৱ মহন্ত আৰু ছুম ৰংহাঙ ৷ দুয়ো নেতাই বানাক্ৰান্ত সকলৰ পৰিস্থিতি বুজ লোৱাৰ লগতে এই সন্দৰ্ভত স্থানীয় প্ৰশাসনৰ সৈতে আলোচনাত মিলিত হৈ বানাক্ৰান্ত সকলক অতি শীঘ্ৰে সাহায্য প্ৰদান কৰা হ’ব বুলি জানিবলৈ দিয়ে ৷

ডিফুৰ বান পৰিস্থিতি পৰিদৰ্শন

• লগতে চাওক- ডুমডুমাত যৌতুকৰ বাবে পত্নীক অত্যাচাৰ, প্ৰাণে মৰাৰ চেষ্টা স্বামীৰ