ডিফুত মুখ্য বন বিষয়াৰ বাসভৱন আৰু কাৰ্যালয়ত দূৰ্নীতি নিবাৰক শাষাৰ অভিযান

কাৰ্বি আংলং স্বায়ত্তশাসিত পৰিষদৰ মুখ্য বন সংৰক্ষক, অভিজিৎ ৰাভাৰ ডিফুস্থিত চৰকাৰী বাসভৱন আৰু কাৰ্যালয়ত, অসম আৰক্ষীৰ দুৰ্নীতি নিবাৰক শাখাই এক তালাচী অভিযান চলায় ৷ অভিযানত কেইবাটাও ফাইল জব্দ কৰাৰ লগতে কিছু পৰিমানৰ নগদ ধন উদ্ধাৰ কৰে অভিযানকাৰী দলটোৱে ৷

ডিফু, 7 ফেব্ৰুৱাৰীঃ ডিফুত অসম আৰক্ষীৰ দুৰ্নীতি নিবাৰক শাখাই কাৰ্বি আংলং স্বায়ত্তশাসিত পৰিষদৰ মুখ্য বন সংৰক্ষক, অভিজিৎ ৰাভাৰ ডিফুস্থিত চৰকাৰী বাসভৱন আৰু কাৰ্যালয়ত তালাচী চলায় ৷ কেইবাঘন্টাজুৰি চলা এই তালাচী অভিযানত অভিযানকাৰী দলটোৱে, বন বিষয়া গৰাকীৰ বাসভৱন আৰু কাৰ্যালয়ত তালাচী চলাই কেইবাটাও ফাইল জব্দ কৰে ৷ দলটোৱে বন বিষয়া গৰাকীৰ চৰকাৰী বাসভৱনৰ পৰা কিছু পৰিমানৰ নগদ ধনো উদ্ধাৰ কৰা বুলি জানিব পৰা গৈছে ৷

উল্লেখ্য যে, অসম চৰকাৰৰ জ্যেষ্ঠ বন বিষয়া গৰাকীক 'হেড অৱ ফৰেষ্ট ফৰ্চ' পদৰ পৰা নিলম্বিত কৰা হৈছিল ৷ কিন্তু ইয়াৰ বিৰুদ্ধে বিষয়া গৰাকীয়ে আদালতৰ দ্বাৰস্থ হোৱাত আদালতে, শেহতীয়াকৈ বিষয়া গৰাকীৰ সপক্ষে ৰায়দান কৰে ৷ বিষয়া গৰাকীৰ বিৰুদ্ধে চলা এই অভিযানৰ অন্তৰালত ৰহস্য লুকাই থকা বুলি সন্দেহ ব্যক্ত কৰিছে বিভিন্ন পক্ষই ৷

লগতে পঢ়ক ঃচিকিৎসালয় আছে, নাই চিকিৎসক : যমৰ যাতনা ভুগিছে সাধাৰণ ৰাইজে !