নৱবৰ্ষৰ শুভেচ্ছা জ্ঞাপন আৰক্ষী আৰু প্ৰশাসনিক বিষয়াৰ

ইংৰাজী নৱবৰ্ষ উপলক্ষে ইটিভি ভাৰতৰ জৰিয়তে সমগ্ৰ অসমবাসীক শুভেচ্ছা জ্ঞাপন কৰিলে পূৱ কাৰ্বি আংলং জিলাৰ আৰক্ষী অধীক্ষক গৌৰৱ উপাধ্যায়, গোলাঘাট জিলাৰ উপায়ুক্ত ধীৰেণ হাজৰিকা, গোলাঘাট জিলাৰ আৰক্ষী অধীক্ষক পুষ্পৰাজ সিঙ আৰু নগাঁৱৰ জিলা উপায়ুক্ত যাদৱ শইকীয়াই ৷

নিউজ ডেস্ক, 1 জানুৱাৰীঃইংৰাজী নৱবৰ্ষ উপলক্ষে ইটিভি ভাৰতৰ জৰিয়তে সমগ্ৰ অসমবাসীক শুভেচ্ছা জ্ঞাপন কৰিলে পূৱ কাৰ্বি আংলং জিলাৰ আৰক্ষী অধীক্ষক গৌৰৱ উপাধ্যায়ে ৷আৰক্ষী অধীক্ষক গৰাকীয়ে নতুন বছৰটোত সকলোকে শান্তি-সম্প্ৰীতি বজাই ৰাখি উন্নয়নৰ দিশে অগ্ৰসৰ হোৱাৰ লগতে, আইনক সন্মান আৰু সমাজক আগবঢ়াই নিয়াত যি পদক্ষেপ গ্ৰহণ কৰে সেইসমূহ আগবঢ়াই নিয়াত প্ৰশাসন সদায় ৰাইজৰ স'তে থাকিব বুলি আশ্বাস প্ৰদান কৰে ৷

গোলাঘাটঃগোলাঘাট জিলাৰ উপায়ুক্ত ধীৰেণ হাজৰিকায়ো নৱবৰ্ষৰ প্ৰাকক্ষণত সমূহ অসমবাসীলৈ শুভেচ্ছা বাৰ্তা জ্ঞাপন কৰি আগন্তুক বৰ্ষত যাতে সকলোৱে সুখ-শান্তিৰে বসবাস কৰিব পাৰে, সকলোৰে মাজত যাতে অসুয়া-অপ্ৰীতিবোৰ নাইকিয়া হয় তাৰে কামনা কৰে ৷

গোলাঘাটঃএফালে গোলাঘাট জিলাৰ আৰক্ষী অধীক্ষক পুষ্পৰাজ সিঙেও ইটিভি ভাৰতৰ মাধ্যমেৰে সকলোকে নৱৱৰ্ষৰ শুভেচ্ছা জ্ঞাপন কৰে ৷ তেওঁ শুভেচ্ছা বাৰ্তা জ্ঞাপন কৰি কয়, 2019 বৰ্ষতকৈ যাতে 2020 বৰ্ষটো যাতে সকলোৰে বাবে আৰু অধিক ভাল হয় ৷ 2019 বৰ্ষত যেনেদৰে ৰাইজে প্ৰশাসনক সহযোগ প্ৰদান কৰিছে, ঠিক তেনে সহযোগ যেন 2020 বৰ্ষটো লাভ কৰে ৷

নগাঁওঃসমান্তৰালভাৱে আগন্তুক বৰ্ষত সকলোৰে বাবে সুখ-শান্তি কামনা কৰি অসমবাসীক ইংৰাজী নৱবৰ্ষৰ শুভেচ্ছা জনালে, নগাঁৱৰ জিলা উপায়ুক্ত যাদৱ শইকীয়াইয়ো ৷

লগতে পঢ়ক: নৱবৰ্ষ'ৰ শুভেচ্ছা ক্ৰীড়াবিদসকলৰ