ডিফুত কমলাক্ষ্য দে পুৰকায়স্থ

বৃহস্পতিবাৰে ডিফুত উপস্থিত হয় কংগ্ৰেছৰ কাৰ্যকৰী সভাপতি কমলাক্ষ্য দে পুৰকায়স্থ ৷ কাৰ্বি আংলং স্বায়ত্ব শাসিত নিৰ্বাচনক কেন্দ্ৰ কৰি দলটোৰ সাংগঠিত তৎপৰতা বৃদ্ধিৰ উদ্দেশ্যে ডিফুত উপস্থিত হয় কলমাক্ষ্য দে পুৰকায়স্থ ৷

ডিফু, 3 ছেপ্তেম্বৰ : সমাগত কাৰ্বি আংলং স্বায়ত্ব শাসিত পৰিষদৰ নিৰ্বাচন (Karbi Anglong Autonomus Council Election)৷ নিৰ্বাচনৰ দিন চমু চাপি অহাৰ লগে লগে জিলাখনত প্ৰধান বিৰোধী দল কংগ্ৰেছৰ সাংগঠনিক তৎপৰতাও বৃদ্ধি পাবলৈ ধৰা পৰিলক্ষিত হৈছে । সেই উদ্দেশ্যেৰে নিৰ্বাচনক কেন্দ্ৰ কৰি সাংগঠিনক তৎপৰতা বৃদ্ধি কৰিবলৈ বৃহস্পতিবাৰে ডিফুত উপস্থিত হয় কংগ্ৰেছ নেতা কমলাক্ষ্য দে পুৰকায়স্থ ৷ ডিফুত অনুষ্ঠিত কংগ্ৰেছৰ সভাত অংশগ্ৰহণ কৰে প্ৰদেশ কংগ্ৰেছৰ কাৰ্যকৰী সভাপতিগৰাকীয়ে ৷

কিছুদিন পূৰ্বে সাংসদ আব্দুল খালেক জিলাখনত উপস্থিত হৈ দলীয় নেতা-কৰ্মীসকলক সাক্ষাৎ কৰি দলটোৰ সাংগঠনিক দিশৰ বুজ লোৱাৰ পিছত বৃহস্পতিবাৰে ডিফুত উপস্থিত হয় কমলাক্ষ্য দে পুৰকায়স্থ আৰু প্ৰাক্তন বিধায়িকা ৰজলীনা তিৰ্কী ৷ কাৰ্বি আংলং জিলা কংগ্ৰেছৰ ডিফুস্থিত মুখ্য কাৰ্যালয়ত দলটোৰ বিভিন্ন পৰ্যায়ৰ নেতৃবৰ্গৰ সৈতে এক বৰ্ধিত সভাত অংশগ্ৰহণ কৰি দুয়োগৰাকীয়ে নেতাই দলটোৰ সাংগঠনিক অৱস্থাৰ বুজ লয় ।

ডিফুত কংগ্ৰেছৰ সভা

সাংবাদিকৰে হোৱা বাৰ্তালাপত পুৰকায়স্থই জিলাখনত দলীয় কৰ্মীসকলৰ উৎসাহ দেখি আনন্দিত হোৱা বুলি মন্তব্য কৰাৰ লগতে কাৰ্বি আংলঙত কংগ্ৰেছৰ ভোটৰ পৰিমাণ বৃদ্ধি পাবলৈ লোৱা বুলি মন্তব্য কৰে ।

আগন্তুক কাৰ্বি আংলং স্বায়ত্ত্বশাসিত পৰিষদৰ নিৰ্বাচনত বিজেপি দলক প্ৰতিহত কৰাৰ বাবে বিশেষ ৰণনীতি প্ৰস্তুত কৰা হ’ব বুলিও সাংবাদিকক কয় নেতাগৰাকীয়ে । আনহাতে, কাৰ্বি আংলং জিলা কংগ্ৰেছৰ সভাপতি খৰছিং ইংতিয়ে দলৰ কৰ্মীসকলক গাঁৱে গাঁৱে গৈ সংগঠন শক্তিশালী কৰাৰ বাবে আহ্বান জনায় ।

ডিফুত কংগ্ৰেছৰ সভা

খৰছিং ইংতিৰ সভাপতিত্বত অনুষ্ঠিত হোৱা সভাখনত জিলা কংগ্ৰেছৰ কাৰ্যকৰী সভাপতি অশোক টেৰণ, উপ-সভাপতি ৰতন ইংতি, প্ৰদেশ কংগ্ৰেছৰ মুখপাত্ৰ ডা৹ মংৱে ৰংপি আদি উপস্থিত থাকে ।

লগতে পঢ়ক :চাৰি মাহৰ অন্তত পুনৰ আৰম্ভ হ’ল নৈশ বাছ সেৱা