ডিফু, ২০মে' : আগন্তুক ৮ জুনত অনুষ্ঠিত হ'বলগীয়া কাৰ্বি আংলং স্বায়ত্তশাসিত পৰিষদৰ নিৰ্বাচনৰ (Karbi Anglong Autonomous Council Election 2022) বাবে সাজু হৈ উঠিছে বিভিন্ন দল-সংগঠন ৷ আনহাতে কাৰ্বি আংলং স্বায়ত্বশাসিত পৰিষদৰ নিৰ্বাচনত প্ৰতিদ্বন্দিতা কৰিবলৈ শুকুৰবাৰে জিলা উপায়ুক্তৰ কাৰ্যালয়ত এএছডিচি, এপিএইছ, এলচি আৰু নিৰ্দলীয়সহ মুঠ ৯ গৰাকী প্ৰাৰ্থীয়ে মনোনয়ন পত্ৰ দাখিল কৰে ।
প্ৰাৰ্থীসকল ক্ৰমে, এএছডিচিৰ ১৮নং লুম্বাজং আৰু ২০নং সিংহাসন পৰিষদীয় সমষ্টিৰ বাবে মাইকণ ৰংফাৰপী আৰু ৰাকেশ টেৰণ, এপিএইছএলচিৰ ক্ৰমে, ১১ নং লাংফেৰত কং ৰংপি, ১৩ নং লাংহিনত ছাৰমুন ৰংফাৰ, ১৪ নং কৰকাণ্ঠিত ডেনিয়েল টেৰণ, ১৮ নং লুম্বাজঙত ৰাজেন তিমুঙ , ১৯ নং ধনশিৰিত মনহনছিং টকবী আৰু ২০ নং সিংহাস পৰিষদীয় সমষ্টিত জন ইংতি কাথাৰে মনোনয়ন পত্ৰ দাখিল কৰে ৷