বকলীয়াঘাটত দুই উগ্ৰপন্থী কেডাৰ গ্ৰেপ্তাৰ

ডকমকাৰ ভিতৰুৱা অঞ্চলত উগ্ৰপন্থী সংগঠনটোৱে গাঁৱৰ ৰাইজৰ পৰা চাউল, কাপোৰ-কানি আদি সংগঠনটোক যোগান ধৰিবলৈ ভাবুকি প্ৰদান কৰি আহিছিল ৷ সেনা আৰু আৰক্ষীয়ে গোপন সূত্ৰৰ পম খেদি সংগঠনটোৰ দুই সদস্যক আটক কৰিবলৈ সক্ষম হয় ৷

ডিফু, 1 জুনঃ কাৰ্বি আংলঙত পিডিচিকে( পিপলচ ডেমক্ৰেটিক কাউনচিল অৱ কাৰ্বি আংলং) নামৰ উগ্ৰপন্থী সংগঠনটোৰ সাংগঠনিক কাৰ্যকলাপ আৰু ধন সংগ্ৰহৰ ঘটনাই আৰক্ষী আৰু সেনাবাহিনীৰ নিদ্ৰাহৰণ কৰিছে ৷ শুকুৰবাৰে বকলীয়াঘাট তেল ডিপোৰ সন্মুখত ভাৰতীয় সেনাৰ ৰেড হৰ্ণ ডিভিজন আৰু আৰক্ষীয়ে যাত্ৰীবাহী বাছত তালাচী চলাই দুই পিডিচিকেৰৰ সক্ৰিয় সদস্যক আটক কৰে ৷ আটকাধীন দুই সদস্যৰ নাম ৰেণছিং তিচ আৰু অমল ফাংছ ৷

আটকাধীন সদস্য দুজনৰ পৰা এটা পইন্ট 22 পিষ্টল, তিনিটা ম'বাইল ফোন , কেইবাজাঁই সজীৱ গুলীৰ লগতে ২'২ পিষ্টলৰ এটা মেগজিন , ৬খন ছিম কাৰ্ড, ৩খন মেম'ৰি কাৰ্ডহ বহু নথি-পত্ৰ জব্দ কৰে৷ উল্লেখ্য যে ডকমকাৰ ভিতৰুৱা অঞ্চলত উগ্ৰপন্থী সংগঠনটোৱে গাঁৱৰ ৰাইজৰ পৰা চাউল, কাপোৰ-কানি আদি সংগঠনটোক যোগান ধৰিবলৈ ভাবুকি প্ৰদান কৰি আহিছিল ৷ সেনা আৰু আৰক্ষীয়ে গোপন সূত্ৰৰ পম খেদি সংগঠনটোৰ দুই সদস্যক আটক কৰিবলৈ সক্ষম হয় ৷ সম্প্ৰতি আৰক্ষীয়ে মাৰাথন জেৰা অব্যাহত ৰাখিছে ৷ উল্লেখ্য যে, কাৰ্বি আংলঙত PDCK উগ্ৰপন্থী সংগঠনটোৰ জন্মদাতা এন ডি এফ বিৰ দুৰ্ধৰ্ষ নেতা সংবিজিৎ ইংতি কাথাৰ ৷

আৰু পঢ়কঃ বাক্সাৰ ভাৰত ভূটান সীমান্তত পুনৰ বনৰীয়া হাতীৰ তাণ্ডৱ