ডিফু, ৫ ডিচেম্বৰ :প্ৰতিবছৰে দেশত লিংগ বৈষম্যৰ বিভিন্ন ঘটনাৰ স্বীকাৰ হয় বহু মহিলা আৰু কন্যা শিশু । অসমো তাৰ ব্যতিক্ৰম নহয় । অসমতো প্ৰতিবছৰে এই ধৰণৰ ঘটনা সংঘটিত হৈ আহিছে (Gender-based violence against women in Assam)। যাৰ বাবে ৰাজ্য চৰকাৰৰ সমাজ কল্যাণ বিভাগৰ উদ্যোগত বিশেষ সজাগতামূলক কাৰ্যসূচী ৰূপায়ণ কৰা হৈছে ।
যোৱা ২৫ নৱেম্বৰৰ পৰা আৰম্ভ হৈছে এই সজাগতামূলক অভিযানৰ । ১০ ডিচেম্বৰলৈ চলিবলগীয়া এই অভিযানৰ অংশ হিচাপে শনিবাৰে কাৰ্বি আংলং জিলাৰ ডিফু চহৰত উলিওৱা হয় এক সজাগতামূলক সমদলৰ (Awareness rally against gender discrimination in Diphu) । মহিলা আৰু কন্যা সন্তানৰ বিৰুদ্ধে সংঘটিত লিংগভিত্তিক হিংসা ৰোধৰ উদ্দেশ্যে উলিওৱা এই সমদলত মহিলা সমিতি, আত্ম সহায়ক গোট, বহু সংগঠন আদিয়ে অংশগ্ৰহণ কৰে ।
ডিফুত ৰাইজক সজাগ কৰাৰ উদ্দেশ্যে বিশেষ সমদল সমদলৰ অন্তত ডিফুৰ চেমচনছিং ইংতি স্মৃতি উদ্যানত এক সজাগতা সভাৰো আয়োজন কৰা হয় । জিলা সমাজকল্যাণ বিষয়া হেলেন তেৰাংপীয়ে সভাত ভাষণ প্ৰদান কৰি সমাজত মহিলা আৰু কন্যা সন্তানৰ ওপৰত নিৰ্যাতনৰ ঘটনা বৃদ্ধি পোৱাক লৈ উদ্বেগ প্ৰকাশ কৰে । তেওঁ লগতে পুৰুষ-মহিলা সকলোকে মহিলাৰ সুৰক্ষা আৰু নিৰাপত্তাৰ ক্ষেত্ৰত সজাগ হোৱাটো প্ৰয়োজন বুলি মন্তব্য কৰে ।
কৰ্মস্থানত নাৰী আজিও সুৰক্ষিত নহয় বুলি মন্তব্য কৰি নাৰীক সন্মান নকৰা এখন সমাজ কেতিয়াও উন্নতিৰ পথত আগুৱাই যাব নোৱাৰে বুলি তেওঁ উল্লেখ কৰে । সমাজ কল্যাণ বিষয়াগৰাকীয়ে জনোৱা মতে অহা ৯ ডিচেম্বৰত এই সন্দৰ্ভত ডিফুত এক কৰ্মশালাৰো আয়োজন কৰা হৈছে । ইফালে জিলাখনত যাতে এই ধৰণৰ ঘটনা হ্ৰাস হয় তাৰ বাবে বিভিন্ন পৰ্যায়ত সমিতি গঠন কৰা হ'ব বুলি তেওঁ উল্লেখ কৰে । অনুষ্ঠানত কেইবাটাও সংস্থাৰ বিশিষ্ট ব্যক্তিসকল উপস্থিত থাকে ।
লগতে পঢ়ক :Child abuse cases increases in assam : অসমত বাঢ়িছে শিশু নিৰ্যাতন
