ডিফু , 8 অক্টোবৰ : প্ৰধানমন্ত্ৰী নৰেন্দ্ৰ মোডীৰ জন্মদিন উপলক্ষে ২০ দিনীয়া কাৰ্যসূচী লৈ আৰম্ভ কৰা সেৱা আৰু সমৰ্পন কাৰ্যসূচীৰ অংশস্বৰূপে বৃহস্পতিবাৰে ডিফুত বিশেষভাৱে সক্ষম লোকসকলৰ মাজত বিভিন্ন ধৰণৰ সামগ্ৰী বিতৰণ কৰা হয় ৷ ডিফুস্থিত জিলা বিজেপিৰ মুখ্য কাৰ্যালয় চৌহদত কাৰ্বি আংলং বিজেপিৰ সভাপতি ধনছিং টেৰণৰ পৌৰহিত্যত আয়োজন কৰা এক আনুষ্ঠানিক বিতৰণ কাৰ্যসূচীত এই সামগ্ৰীসমূহ বিতৰণ কৰা হয় ৷
হুইল চেয়াৰ, হিয়াৰিঙ এইড আৰু আৰ্মছ ছাপৰ্টাৰ আদি সামগ্ৰী বিতৰণ মুঠ 22 গৰাকী বিশেষভাৱে সক্ষম লোকৰ মাজত হুইল চেয়াৰ, হিয়াৰিঙ এইড আৰু আৰ্মছ ছাপৰ্টাৰৰ দৰে সামগ্ৰী বিতৰণ কৰা হয় ৷ সাংবাদিকৰ সৈতে হোৱা বাৰ্তালাপত সামগ্ৰী বিতৰণ অনুষ্ঠানত উপস্থিত থকা পূৱ-কাৰ্বি জিলা বিজেপিৰ প্ৰভাৰী বিজয় গুপ্তাই বৃহস্পতিবাৰৰ কাৰ্যসূচী মাথো এক আৰম্ভণিহে বুলিহে মন্তব্য কৰে ৷
প্ৰধানমন্ত্ৰী নৰেন্দ্ৰ মোডীৰ "সেৱাহী মূল মন্ত্ৰ"ৰ অংশস্বৰূপে প্ৰতিখন জিলা আৰু কাৰ্বি আংলং জিলাৰ প্ৰতিটো মণ্ডলত দিব্যাংগ সকললৈ এনে সামগ্ৰী বিতৰণ কৰা হ'ব বুলি গুপ্তাই জানিবলৈ দিয়ে ৷ ইয়াৰ লগতে ৰাইজৰ সেৱাৰ বাবে জিলা বিজেপিৰ প্ৰতিটো যুৱ মৰ্চা, মহিলা মৰ্চাক সক্ৰিয় কৰি তোলা হ'ব বুলিও অৱগত কৰে ৷
22 গৰাকী বিশেষভাৱে সক্ষম লোকৰ মাজত প্ৰয়োজনীয় সামগ্ৰী বিতৰণ বৃহস্পতিবাৰৰ আনুষ্ঠানিক বিতৰণী অনুষ্ঠানত বিজেপিৰ নেশ্যনেল কাউঞ্চিলৰ লংকি ফাংচ', জিলা বিজেপিৰ সভাপতি ধনছিং টেৰণ, সাধাৰণ সম্পাদক ছাৰচিং ফাংচ', সম্পাদক মধুৰাম লেকথে , কাৰ্বি আংলং স্বায়ত্তশাসিত পৰিষদৰ মনোনিত সদস্য অজিত দে প্ৰমুখ্য কৰি বিজেপিৰ কেইবাগৰাকী নেতা-কৰ্মী উপস্থিত থাকে ৷
লগতে পঢ়ক :মৰিগাঁৱত আৰক্ষীৰ মানসিক স্বাস্থ্য সন্দৰ্ভত সজাগতা শিবিৰ
