ডিফু,৩০জুনঃ কাৰ্বি আংলং জিলাৰ বোকাজানৰ ফুলবাৰীস্থিত 39 নং ৰাষ্ট্ৰীয় ঘাইপথৰ কাষতে থকা ৱেট ব্ৰীজত সংঘটিত হয় এক নৃশংস হত্যাকাণ্ডৰ ঘটনা । প্ৰাপ্ত খবৰ অনুসৰি NL 01N 1323 নম্বৰৰ ৰখাই থোৱা ট্ৰাকখনৰ ড্ৰাইভাৰ আৰু হেণ্ডিমেনৰ মাজত বাদ বিবাদৰ ফলতে সংঘটিত হয় ঘটনাটো । ঘটনা অনুসৰি সোমবাৰে নিশা ট্ৰাকখনৰ ড্ৰাইভাৰ কৃষ্ণ চৌহান চেত্ৰী, হেণ্ডিমেন মেঘৰাজ চেত্ৰী আৰু অমল চেত্ৰী নামৰ স্থানীয় তিনিজন লোকে সুৰাপান কৰি আছিল । তাৰ পিচতে অমল চেত্ৰীয়ে ঘটনা স্থলীৰপৰা ঘৰলৈ গুচি আহে ৷ সুযোগ বুজি হেণ্ডিমেন মেঘৰাজে চেত্ৰীয়ে ড্ৰাইভাৰ কৃষ্ণ চৌহান চেত্ৰীক মৰিয়াই হত্যা কৰাৰ অভিযোগ উত্থাপন কৰিছে স্থানীয় ট্ৰাকচালক সকলে।
ট্ৰাকৰ ভিতৰতে নৃশংস হত্যা ড্ৰাইভাৰক