Three people run over by train in Diphu: তিনিটা দিনত ডিফুত ৰে’লৰ খুন্দাত তিনিজনৰ মৃত্যু

ডিফুত ক্ৰমাগতভাৱে তিনিটা দিনত ৰে’লৰ খুন্দাত মৃত্যু হয় তিনিগৰাকী লোকৰ ৷ শনিবাৰে এগৰাকী যুৱকৰ ৰে’লৰ খুন্দাত মৃত্যু হোৱাৰ বিপৰীতে দেওবাৰেও ৰে’লৰ পৰা পৰি মৃত্যু হয় এগৰাকী ব্যক্তিৰ ৷ আনহাতে, সোমবাৰে দিনৰভাগত ৰে’লৰ খুন্দাত মৃত্যু হয় এগৰাকী মহিলাৰ ৷

ডিফু, 16 জানুৱাৰী: ভোগালী বিহুৰ আনন্দ-উল্লাহৰ মাজত ডিফুত তিনিটা দিনত তিনিজনকৈ লোকৰ ৰে’লৰ খুন্দাত অকাল মৃত্যু(Railroad Death in Diphu) ৷ শনিবাৰ আৰু দেওবাৰে পাৰ্বত্য জিলাখনত ৰে’লৰ খুন্দাত 2 গৰাকীলোকৰ মৃত্যু হোৱাৰ বিপৰীতে সোমবাৰে মৃত্যু হয় এগৰাকী মহিলাৰ(three people run over by train in Diphu) ৷

উল্লেখ্য যে, শনিবাৰে অৰ্থাৎ উৰুকাৰ পুৱতি নিশা ৰে’লৰ খুন্দাত মৃত্যু হয় ডিফুৰ ৰামঠাকুৰ কলনিৰ সুৰজিৎ সাহা নামৰ এগৰাকী 24বছৰীয়া যুৱকৰ ৷ এগৰাকী বন্ধুৰ ঘৰৰ পৰা উভতি আহোঁতেই ৰে’লৰ খুন্দাত মৃত্যু হয় যুৱকজনৰ ৷

আনহাতে, দেওবাৰে নিশা মৃত্যু হয় আন এজন ব্যক্তিৰ ৷ ৰে’লৱে আৰক্ষীৰ তথ্য অনুসৰি দলদলিৰ সমীপৰ ৰে’ল লাইনত এগৰাকী প্ৰায় 35বছৰীয়া ব্যক্তিৰ মৃতদেহ উদ্ধাৰ হয় ৷ অৱশ্যে বৰ্তমানেও চিনাক্ত হোৱা নাই মৃত লোকজনৰ পৰিচয় ৷ ৰে’ল আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে GMCH লৈ ৷

প্ৰাথমিক তদন্তত ব্যক্তিগৰাকী চলন্ত ৰে’লৰ পৰা পৰি মৃত্যু হোৱা বুলি সন্দেহ কৰিছে ৰে’ল আৰক্ষীয়ে(person died by falling off train) ৷ অৱশ্যে কোনখন ৰে’লৰ পৰা পৰি ব্যক্তিগৰাকীৰ মৃত্যু হৈছে সেয়া বৰ্তমানেও স্পষ্ট হোৱা নাই ৷ ইফালে , মৃতদেহটো চিনাক্তকৰণৰ বাবে 72 ঘণ্টা মৰ্গত ৰখা হ’ব বুলি সদৰী কৰিছে ৰে’ল আৰক্ষী পহৰা চকীৰ ভাৰপ্ৰাপ্ত বিষয়া মনি মেচে ৷

লগতে পঢ়ক:Road Safety Week: কাৰ্বি আংলং জিলাত পথ সুৰক্ষা সপ্তাহ আৰম্ভ

সমান্তৰালভালে, সোমবাৰেও সংঘটিত হয় আন এটা দুৰ্ঘটনা ৷ সোমবাৰে পুৱা প্ৰায় 11.30 বজাত ডিফু ৰে’ল ষ্টেচনৰ সমীপৰ পানবাৰীৰ ৰাম ঠাকুৰ মন্দিৰৰ সমীপত ৰে’লৰ খুন্দাত মৃত্যু হয় এগৰাকী 50 উৰ্ধৰ মহিলাৰ(Woman run over by train) ৷ নিহত মহিলাগৰাকী পানবাৰী নিৱাসী জব্বৰ আলিৰ পত্নী তাৰাবানু বুলি চিনাক্ত কৰা হৈছে ৷ ঘটানৰ পিছতেই ৰে’ল আৰক্ষীয়ে মৃতদেহটো উদ্ধাৰ কৰি প্ৰেৰণ কৰিছে মৰণোত্তৰ পৰীক্ষাৰ বাবে ৷

উল্লেখ্য যে, পথ দুৰ্ঘটনাৰ ফলত যাতে কোনো লোকৰ মৃত্যু নহয় তাৰবাবে মুখ্যমন্ত্ৰী ড৹ হিমন্ত বিশ্ব শৰ্মাৰ নিৰ্দেশত কঠোৰ ব্যৱস্থা গ্ৰহণ কৰিছে পৰিবহন বিভাগ আৰু আৰক্ষীয়ে ৷ ইয়াৰ বিপৰীতে ডিফুত ক্ৰমাগতভাৱে তিনিটা দিনত তিনিগৰাকী লোকৰ ৰে’লৰ খুন্দাত মৃত্যু হোৱা ঘটনাই শোকৰ ছাঁ পেলাইছে অঞ্চলটোত ৷

লগতে পঢ়ক:Recruitment Scam in KAAC: কাৰ্বি আংলং স্বায়ত্তশাসিত পৰিষদৰ বন বিভাগত নিযুক্তি কেলেংকাৰী