ডিফু, ২৫ ছেপ্তেম্বৰ : অৱশেষত গ্ৰেপ্তাৰ হ'ল ৰাজ্য কঁপাই যোৱা কাৰ্বি আংলং জিলাৰ চকীহোলাৰ শিহৰণকাৰী দুই নাবালিকা হত্যাকাণ্ডৰ মূল অভিযুক্ত এটা নাবালক ৷ কাৰ্বি আংলং জিলাৰ বোকাজান মহকুমাৰ কয়লামাটিৰ দৈগ্ৰোং নদীত মাছ মাৰিবলৈ যাওতে যোৱা ২৮ আগষ্টত অতি নিৰ্মমভাৱে হত্যা কৰা হৈছিল দুই কিশোৰীক।
কিশোৰী দুগৰাকীৰ মৃতদেহ দুটা সাত দিনৰ অগা পিছাকৈ উদ্ধাৰ কৰিছিল আৰক্ষীয়ে ৷ দেওবাৰে অতি আশ্চৰ্যজনকভাৱে উক্ত হত্যাকাণ্ডত জড়িত মূল অভিযুক্ত হিচাপে জড়িত এটা ১৬ বছৰীয়া নাবালক আৰক্ষীয়ে গ্ৰেপ্তাৰ কৰা ঘটনাই তীব্ৰ চাঞ্চল্যৰ সৃষ্টি কৰিছে পাহাৰীয়া জিলাখনত ৷ নাৰকীয় হত্যাকাণ্ডৰ সংঘটিত কৰা ল'ৰাজন একেখন গাঁৱৰে বুলি জানিবলৈ দিছে আৰক্ষীয়ে ।