ৰঙিয়া, 6 নৱেম্বৰ: পেলনীয়া বহু সামগ্ৰীক ন-ৰূপ প্ৰদান কৰি চৰ্চাত ৰঙিয়াৰ বনগাঁৱৰ চাহীল হুছেইন নামৰ এজন ছাত্ৰ ৷ পলিটেকনিকৰ দ্বিতীয় ষাণ্মাষিকৰ ছাত্র চাহীলে ডাঠ কাগজেৰে সাজিছে তাজমহল,তামোলৰ ঢকুৱাৰে সাজিছে জাহাজ ৷ লগতে পুৰণা নট্ আৰু বল্টুৰে সাজিছে এখন মটৰ চাইকেল ৷ আনকি লক ডাউনৰ সময়ছোৱাত ঘৰত এনেই থাকি সময় নষ্ট নকৰি চাহীলে সাজিবলৈ লৈছে একুৰিয়াম ৷ আইনা আৰু মটৰটোৰ বাহিৰে সকলো পেলনীয়া আৰু ঘৰতে উপলব্ধ সামগ্ৰীৰে সাজিছে একুৰিয়ামসমুহ ৷
ৰঙিয়াত কাগজৰ তাজমহল, ঢকুৱাৰ জাহাজ...
প্ৰথম অৱস্থাত চখতেই ঘৰৰ বাবে একুৰিয়াম সাজিছিল যদিও,এতিয়া বহু লোকে গম পাই চাহীলৰ পৰা একুৰিয়াম কিনি লৈ গৈছে। উল্লেখ্য যে,চাহীলে একুৰিয়ামত ব্যৱহাৰ কৰা মাছবোৰো অসমতেই উপলব্ধ থলুৱা মাছ ।