মৃত গৰু পেলাবলৈ গৈ সলিল সমাধি যুৱকৰ

আজাৰাৰ মিৰ্জাপূৰৰ মেধিপাৰাত সংঘটিত হৈছে এই ঘটনা ৷ পথাৰৰ পুখুৰীত পেলাবলৈ গৈছিল মৃত গৰুটো ৷ তাতেই পুখুৰীত পৰি সলিল সমাধি হয় যুৱকজনৰ ৷

আজাৰা, 23 জুলাইঃ আজাৰাত সংঘটিত হৈছে শোকাৱহ ঘটনা ৷ মৃত গৰু উটুৱাবলৈ গৈ সলিল সমাধি ঘটিছে এজন যুৱকৰ ৷ যুৱকজন মিৰ্জাপুৰ মেধি পাৰাৰ মহানন্দ দাস বুলি জানিব পৰা গৈছে ৷

বৃহস্পতিবাবে পুৱাৰ ভাগত মহেন্দ্ৰ দাস নামৰ যুৱকজনৰ পোহনীয়া গৰু এটাৰ মৃত্যু হোৱাত মিৰ্জাপুৰৰ শ্মশানৰ ওচৰৰ পথাৰৰ মৃত গৰু পেলাবলৈ গৈছিল ৷ তাৰ পাচৰ পৰাই সন্ধান নাছিল যুৱকজনৰ ৷

মহেন্দ্ৰ দাসৰ চাইকেল আৰু চেণ্ডেল প্ৰত্যক্ষ কৰিছিল এজন স্থনীয় যুৱকে ৷ কিন্তু তাত মহেন্দ্ৰ দাসৰ সন্ধান নোপোৱাত পৰিয়ালক খবৰ দিয়ে ৷ তাৰ পাচত পৰিয়ালৰ লোকে আজাৰা আৰক্ষীক খবৰ দিয়াত ঘটনাস্থলীত উপস্থিত হয় আৰক্ষী । স্থানীয় যুৱকে পথাৰৰ দ’ পুখুৰীত উদ্ধাৰ অভিযান চলাই মৃত অৱস্থাত উদ্ধাৰ কৰে যুৱকজনে ৷

মৃত মহান্দন দাস আছিল ঘৰখনৰ এক মাত্ৰ উপাৰ্জনকাৰী । মহানন্দৰ দাসৰ মৃত্যুত শোঁকৰ-ছা পৰে আজাৰা অঞ্চলত । আজাৰা আৰক্ষীয়ে মৰণোত্তৰ পৰীক্ষাৰ বাবে মৃত দেহ প্ৰেৰণ কৰে GMCH লৈ ৷

লগতে পঢ়কঃদুটা পৃথক হত্যাকাণ্ডত শিশু সহিতে ৫ জনৰ মৃত্যু