বকোত বনৰীয়া হাতীৰ আক্ৰমণত নিহত এজন

জাকৰ পৰা ফালৰি কাটি অহা এটা হাতীয়ে বামুণীগাঁও অঞ্চলটোত শুকুৰবাৰে নিশা চলাইছিল উপদ্ৰৱ। হাতী অহাৰ উমান পাই পলাবলৈ লওঁতেই জামাল নামৰ লোকজনক আক্ৰমণ কৰে হাতীটোৱে ৷

বকো, 7 ডিচেম্বৰঃ বকোৰ মালাং বামুণীগাঁৱত অঘটন । বনৰীয়া হাতীৰ আক্ৰমণত নিহত এজন । নিহত যুৱকজনৰ নাম জামাল ৰাভা বুলি জানিব পৰা গৈছে। খবৰ অনুসৰি, হাতীৰ জাকৰ পৰা ফালৰি কাটি অহা হাতী এটাই অঞ্চলটোত শুকুৰবাৰে নিশা উপদ্ৰৱ চলাইছিল অঞ্চলটোত। হাতী অহাৰ উমান পাই পলাবলৈ লওঁতেই জামালক আক্ৰমণ কৰে হাতীটোৱে। বহু দিনৰ পৰাই বনৰীয়া হাতীটোৱ অঞ্চলতোত উপদ্ৰৱ চলাই আছিল বুলিও জানিবলৈ দিয়ে স্থানীয় ৰাইজে ।

আনহাতে,স্থানীয় ৰাইজে বকো আৰক্ষী আৰু বন বিভাগক খবৰ দিয়াৰ পাচত ঘটনাস্থলীত উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে ৷

আৰু পঢ়কঃ উৎকোচ লৈ জালত পৰিল APDCLৰ শীৰ্ষ বিষয়া