হাজোৰ ঐতিহাসিক গণেশ মন্দিৰত চোৰৰ হাত চাফাই অভিযান

শুকুৰবাৰে নিশা হাজোৰ অভয়পুৰৰ শিলাদ্বাৰ পাহাৰত অৱস্থিত গণেশ মন্দিৰত সংঘটিত হৈছে এক চুৰিকাণ্ড ৷ ঐতিহাসিক গণেশ মন্দিৰৰ প্ৰণামী বাকচ ভাঙি চোৰে লুটি নিলে নগদ ধনৰ লগতে বাকচৰ ভিতৰত থকা সোণ-ৰূপৰ আ-অলংকাৰো ৷ চুৰিকাণ্ডক লৈ চিন্তিত এতিয়া সৰ্ব-সাধাৰণ ৰাইজ ।

হাজো,15 মে’:তীৰ্থনগৰী হাজোত ধৰ্মীয় অনুষ্ঠানত চোৰৰ শেনচকু । কৰʼণাক লৈ চৰকাৰে জাৰি কৰা সান্ধ্য আইনৰ মাজতে হাজোত সংঘটিত হৈছে এক চুৰিকাণ্ডৰ ঘটনা । শুকুৰবাৰে নিশা হাজোৰ অভয়পুৰৰ শিলাদ্বাৰ পাহাৰত অৱস্থিত গণেশ মন্দিৰত চোৰৰ টিঘিল-ঘিলনি । ঐতিহাসিক এই গণেশ মন্দিৰৰ প্ৰণামী বাকচ ভাঙি চোৰে লুটি নিলে নগদ ধনৰ লগতে বাকচৰ ভিতৰত থকা সোণ-ৰূপৰ আ-অলংকাৰো ।

উল্লেখ্য যে, ইয়াৰ পূৰ্বেও দুবাৰকৈ শিলাদ্বাৰ পাহাৰত থকা গণেশ মন্দিৰত চোৰে লুটপাত চলাইছিল । মন্দিৰ পৰিচালনা সমিতি তথা স্থানীয় ৰাইজৰ সন্দেহ কৰা অনুসৰি, কোনো ড্ৰাগছ আসক্ত যুৱকে এই চুৰিকাণ্ড সংঘটিত কৰিছে ।

আনহাতে, ইয়াৰ পূৰ্বেও হাজোৰ আন আন ধৰ্মীয় অনুষ্ঠানতো বহুবাৰ সংঘটিত হৈছে চুৰিকাণ্ডৰ ঘটনা । মহামাৰী কৰ’ণাক লৈ চৰকাৰে জাৰি সান্ধ্য আইনৰ মাজতে ধৰ্মীয় অনুষ্ঠানত সঘনাই সংঘটিত হোৱা এই চুৰিকাণ্ডৰ ঘটনাই চিন্তিত কৰি তুলিছে এতিয়া সৰ্ব-সাধাৰণ ৰাইজক ।

লগতে পঢ়ক:তিনিমাহৰ বাবে স্থগিত আলফা(স্বা)ৰ সামৰিক অভিযান