ৰঙিয়া, 12 ফেব্ৰুৱাৰীঃ ৰঙিয়াৰ এখন ৰেল গেটে দুৰ্ভোগ ভোগাইছে ৰাইজক ৷ ৰঙিয়া-বালিসত্ৰ-ডিমু পথত থকা এটা ৰেল গেটৰ বাবে যথেষ্ট অসুবিধাৰ সন্মূখীন হৈছে অঞ্চলটোৰ ৰাইজ ৷ উক্ত ৰেল গেটখনৰ ওচৰতে থকা ৰঙিয়া মহাবিদ্যালয় তথা ৰঙিয়া মহকুমা অসামৰিক চিকিৎসালয়ত অহা-যোৱা কৰাসকলৰ বাবে হৈ পৰিছে যমৰ যন্ত্ৰণা ৷ ৰেলগেট বন্ধ হৈ থকাৰ ফলত বহুসময়ত 108 জৰুৰী এম্বুলেন্স সেৱাও আবদ্ধ হৈ পৰা দেখা যায় ৷ ইয়াৰোপৰি কলেজ চ'কত থকা এই গেটখনেৰে ৰঙিয়াক বহিঃৰাজ্য আৰু অসমৰ বিভিন্ন প্ৰান্তৰ লগত সংযোগ কৰা প্ৰায় প্ৰতিখন ৰেলেই অহা যোৱা কৰে । ফলত দিনৰ যিকোনো সময়তেই বন্ধ হৈ পৰা গেটখনৰ বাবে ৰাইজে ভোগ কৰিবলগীয় হৈছে যথেষ্ট অসুবিধাৰ ।
এটা ৰেলেগেটক লৈ দুৰ্ভোগ ৰঙিয়াবাসীৰ