ৰঙিয়া, 29 জুন : ৰাজ্যিক বিজেপি (State BJP)ৰ সভাপতি হিচাপে নিযুক্তি লাভ কৰাৰ পাচতে সোমবাৰে ৰঙিয়াস্থিত নিজ বাসগৃহত উপস্থিত হয় ভৱেশ কলিতা (Bhabesh kalita) ৷ অসম ৰাজ্যিক বিজেপিৰ সভাপতি পদ লাভ কৰাৰ পিছতেই উৎফুল্লিত হৈছে ৰঙিয়াবাসী । সোমবাৰে ৰঙিয়াত প্ৰৱেশ কৰাৰ পাচতে দলীয় কৰ্মী সকলৰ লগতে সমৰ্থক সকলে তেওঁক উষ্ম আদৰণি জনায় । পুষ্পবৃষ্টিৰে সমৰ্থকসকলে বিধায়ক গৰাকীক ৰঙিয়াৰ লোক নিৰ্মাণ বিভাগৰ পৰিদৰ্শন বঙলালৈ আদৰি নিয়ে ।
ৰাজ্যিক বিজেপিৰ সভাপতি ভৱেশ কলিতাক ৰঙিয়াত উষ্ম আদৰণি বিধায়ক তথা ৰাজ্যিক বিজেপিৰ সভাপতি গৰাকীক ওচৰত পাই কোনোৱে যদি গামোচা পিন্ধাই উলগ যাচিছে, কোনোৱে আকৌ শৰাই আগবঢ়াই অভিনন্দন জ্ঞাপন কৰিছে । সমৰ্থকৰ মৰম আৰু আদৰ লাভ কৰি ৰাজ্যিক বিজেপিৰ সভাপতি ভৱেশ কলিতা অভিভুত হৈ পৰে । লগতে, ৰঙিয়া বিধানসভা সমষ্টিৰ ভাৰতীয় জনতা পাৰ্টীৰ ব্লক, নগৰ মণ্ডল, ৰাজ্যিক বিষয়ববীয়া, পঞ্চায়তৰ প্ৰতিনিধিসকল, দলীয় কাৰ্যকর্তাৰ লগত মত বিনিময় কৰে ৷
ৰাজ্যিক বিজেপিৰ সভাপতি ভৱেশ কলিতাক ৰঙিয়াত উষ্ম আদৰণি উল্লেখ্য যে, 2016 চনৰ পৰা একেৰাহে দুবাৰ বিধানসভালৈ নিৰ্বাচিত হৈছে ভৱেশ কলিতা ৷ সৰ্বানন্দ সোণোৱাল নেতৃত্বাধীন চৰকাৰৰ ৰাজহ আৰু জলসিঞ্চন মন্ত্ৰী আছিল ভৱেশ কলিতা ৷ কিন্তু হিমন্ত বিশ্ব শৰ্মাৰ কেবিনেটত তেওঁ অন্তৰ্ভুক্ত হোৱা নাছিল যদিও অৱশেষত ৰাজ্যিক বিজেপিৰ সভাপতিৰ দায়িত্ব দিয়া হ’ল ভৱেশ কলিতাক ৷
ৰাজ্যিক বিজেপিৰ সভাপতি ভৱেশ কলিতাক ৰঙিয়াত উষ্ম আদৰণি আনহাতে, ৰাজ্যিক বিজেপিৰ সভাপতি ৰণজিৎ কুমাৰ দাসক মন্ত্ৰীত্ব প্ৰদানৰ পিছতে সভাপতিৰ নতুন দায়িত্ব কাক দিয়া হ'ব তাক লৈ দীৰ্ঘদিন ধৰি জল্পনা কল্পনা চলি আছিল বিজেপিৰ ভিতৰচ'ৰাত । কিন্তু কেইবাখনো বৈঠকৰ অন্তত অৱশেষত বিজেপিৰ কেন্দ্ৰীয় সভাপতি জে পি নাড্ডাই (National BJP president JP Nadda) ৰাজ্যিক বিজেপিৰ সভাপতি হিচাপে ঘোষণা কৰে ভৱেশ কলিতাৰ নাম ৷
ৰাজ্যিক বিজেপিৰ সভাপতি ভৱেশ কলিতাক ৰঙিয়াত উষ্ম আদৰণি লগতে পঢ়ক:খেতিয়ক ৰূপত বিধায়ক তথা বিজেপিৰ ৰাজ্যিক সভাপতি ভৱেশ কলিতা
