নিয়ন্ত্ৰণ হেৰুৱাই দুৰ্ঘটনাত পতিত তীব্ৰবেগী বাছঃ আহত কেইবাগৰাকীও যাত্ৰী

আহত সকলৰ ভিৰতৰৰ ৩ গৰাকী যাত্ৰীৰ অৱস্থা অতি সংকটজনক বুলি জানিব পৰা গৈছে । আটাইকেইজনকে মিৰ্জা প্ৰাথমিক চিকিৎসালয়ত ভৰ্তি কৰোৱা হয় ।

আজাৰ, 21 ছেপ্তেম্বৰঃ দক্ষিণ কামৰূপৰ বৰঝাৰ বিমানবন্দৰৰ সমীপৰ বঙৰাত সোমবাৰে দিনৰ ভাগত সংঘটিত হয় এক ভয়ংকৰ বাছ দুৰ্ঘটনা । গোৱালপাৰাৰ পৰা গুৱাহাটী অভিমুখী AS-25-CC-0786 নম্বৰৰ যাত্ৰীবাহি বাছ এখনে নিয়ন্ত্ৰন হেৰুৱাই পথৰ দাতিত থকা এডাল প্ৰকাণ্ড গছত খুণ্ডা মাৰে । ফলত বাছখনত থকা আটাইকেইগৰাকী যাত্ৰী কম-বেছি পৰিমানে আহত হয় । আহত সকলৰ ভিৰতৰৰ ৩ গৰাকী যাত্ৰীৰ অৱস্থা অতি সংকটজনক বুলি জানিব পৰা গৈছে । আটাইকেইজনকে মিৰ্জা প্ৰাথমিক চিকিৎসালয়ত ভৰ্তি কৰোৱা হয় । ঘটনাস্থলীত পলাশবাৰী আৰক্ষী উপস্থিত হৈ সকলোকে উদ্ধাৰ কৰাৰ লগতে পৰিস্থিতি নিয়ন্ত্ৰন কৰে ।