Guwahati Bikaner Express Derailed: ৰঙিয়াত উপস্থিত গুৱাহাটী-বিকানেৰ এক্সপ্ৰেছৰ একাংশ যাত্ৰী

বৃহস্পতিবাৰে 15633 নম্বৰৰ গুৱাহাটী-বিকানেৰ এক্সপ্ৰেছখন গুৱাহাটী অভিমুখে আহি থকা অৱস্থাত পশ্চিমবংগৰ দমহানিত লাইনচ্যুত হৈ দুৰ্ঘটনাত পতিত হয়(Guwahati Bikaner Express Derailed) ৷ এই দুৰ্ঘটনাত সাক্ষী হোৱা কেইজনমান যাত্ৰী ৰঙিয়াত উপস্থিত হৈ এই ভয়ানক ঘটনাৰ বিৱৰণ সংবাদমাধ্যমৰ আগত প্ৰকাশ কৰে(Some passengers on the train described the tragic accident) ৷

ৰঙিয়া, 14 জানুৱাৰী :বৃহস্পতিবাৰে দুৰ্ঘটনাত পতিত হয় গুৱাহাটী-বিকানেৰ এক্সপ্ৰেছ ৷ 15633 নম্বৰৰ গুৱাহাটী-বিকানেৰ এক্সপ্ৰেছখন গুৱাহাটী অভিমুখে আহি থকা অৱস্থাত পশ্চিমবংগৰ দমহানিত লাইনচ্যুত হৈ এই কৰুণ দুৰ্ঘটনা সংঘটিত হয় (Guwahati bikaner express derailed near domohani of West Bangal) ৷

ইতিমধ্যে ৰেলখনত যাত্ৰা কৰা একাংশ যাত্ৰী নিৰাপদে আহি উপস্থিত হৈছে ৰঙিয়া ৰেলৱে ষ্টেচনত ৷ তেওঁলোক প্ৰত্যেকেই এই ভয়াৱহ দুৰ্ঘটনাৰ একোগৰাকী সাক্ষী ৷

এই যাত্ৰীসকলৰ মাজৰেই এগৰাকী মহিলাই সেই ভয়াৱহ দুৰ্ঘটনাৰ বৰ্ণনা দাঙি ধৰিলে(Some passengers on the train described the tragic accident) ৷ যাত্ৰীগৰাকীয়ে সংবাদমাধ্যমৰ আগত জনোৱা মতে, দুৰ্ঘটনাটোৰ সময়ছোৱাত ৰে'লৰ ডবাটোত বিজুলী সংযোগ বিচ্ছিন্ন হোৱাত যাত্ৰী সকলৰ মাজত এক আতংকময় পৰিবেশে বিৰাজ কৰিছিল ৷ যাৰ ফলত ৰে'লখনত থকা যাত্ৰীসকলৰ মাজত এক অবৰ্ণনীয় পৰিৱেশে বিৰাজ কৰিছিল ৷

ইফালে এন ডি আৰ এফৰ এগৰাকী বিষয়া শিবু মণ্ডলে সদৰি কৰা তথ্য অনুসৰি এই ভয়ংকৰ দুৰ্ঘটনাটোত সম্প্ৰতি মৃতকৰ সংখ্যা 9 গৰাকীলৈ বৃদ্ধি পাইছে ৷ লগতে বৰ্তমানেও এই উদ্ধাৰ অভিযান অব্যাহত আছে বুলিও সদৰি কৰে বিষয়াগৰাকীয়ে ৷

ঘটনাটোত ৰেলখনৰ এটা ডবা আন এটা ডবাৰ ওপৰত উঠাৰ লগতে ইয়াৰ অধিকাংশই পৰিণত হৈছে ধ্বংসস্তূপলৈ ৷ বৰ্তমানেও এই ধ্বংসস্তূপৰ ভিতৰত লোক আৱদ্ধ হৈ থকাৰ সন্দেহ প্ৰকাশ কৰা হৈছে ৷ এনে পৰিপেক্ষিতত মৃতকৰ সংখ্যা অধিক হোৱাৰ ধাৰণা কৰিছে উদ্ধাৰকাৰী দলে ৷ ইতিমধ্যে আহতসকলক চিকিৎসালয়লৈ প্ৰেৰণ কৰা হৈছে (Guwahati Bikaner Express Derail update) ।

লগতে পঢ়ক :Guwahati Bikaner Express Derail : মৃতকৰ সংখ্যা 9 গৰাকীলৈ বৃদ্ধি