প্ৰধানমন্ত্ৰীৰ নিৰাপত্তাক লৈ ব্যস্ত মহানগৰ প্ৰশাসন....

ইতিপূৰ্বে Indo-Japan সন্মিলনৰ বাবে জাপানৰ প্ৰধানমন্ত্ৰীৰ সহিতে অসম ভ্ৰমণ কৰা কথা আছিল মোডীয়ে ৷ কিন্তু সেই সময়ত অসমত নাগৰিকত্ব সংশোধনী আইন বিৰোধী আন্দোলনে তীব্ৰতৰ ৰূপ ধাৰণ কৰি থকাৰ ফলত বাতিল হৈছিল মোডীৰ সেই ভ্ৰমণ ৷ বৰ্তমানেও যিহেতু কা বিৰোধী আন্দোলন সম্পূৰ্ণৰূপে মাৰ যোৱা নাই তাৰবাবে অধিক সষ্টম হৈ পৰিছে আৰক্ষী প্ৰশাসন ৷

গুৱাহাটী, 6 ফেব্ৰুৱাৰীঃশুকুৰবাৰে বড়ো শান্তি-চুক্তিৰ বিজয় উল্লাস অনুষ্ঠানত ভাগ ল'বলৈ ৰাজ্যলৈ আহিব প্ৰধানমন্ত্ৰী নৰেন্দ্ৰ মোডী ৷ প্ৰধানমন্ত্ৰীৰ নিৰাপত্তাৰ বাবে তৎপৰ হৈ পৰিছে ৰাজ্যৰ প্ৰশাসন ৷ কটকটীয়া কৰি তোলা হৈছে বিমান বন্দৰৰ লগতে ৰাজধানী মহানগৰীৰ নিৰাপত্তা ব্যৱস্থা ৷ ইয়াৰোপৰি, মোডীক সন্তুষ্ট কৰিবলৈ পুনৰ সাজোন-কাচোনৰ প্ৰক্ৰিয়া আৰম্ভ কৰিছে জিলা প্ৰশাসনে ৷ ৰাজপথত বিকল হৈ ওলমি থকা CC কেমেৰা সমূহো পুনৰ সংস্থাপন কৰাৰ ব্যৱস্থা কৰা হৈছে ৷ যি কি নহওক প্ৰধানমন্ত্ৰীৰ ভ্ৰমণৰ সুবাদতেই যেন কিছু পৰিমাণে পৰিৱৰ্তন সাধন হ'ব ৰাজধানী চহৰখনৰ ৷

কিন্তু প্ৰশ্ন হয় প্ৰধানমন্ত্ৰী আহিব বুলি তৎনাইকীয়া হোৱা মহানগৰ জিলা প্ৰশাসনে ইমান দিনে কিয় গুৰুত্ব দিয়া নাছিল প্ৰশাসনৰ সুবিধাৰ বাবে ৰাজপথত স্থাপন কৰা CC কেমেৰাসমূহ মেৰামতি অথবা পুনঃসংস্থাপনত ৷ বিভিন্ন সময়ত অপৰাধীয়ে লক্ষ্য কৰি লোৱা ৰাজধানী চহৰখনক আন সময়ত সুৰক্ষাৰ প্ৰয়োজন নহয় নেকি ?

লগতে পঢ়কঃ শ্ৰীমন্ত শংকৰদেৱ সংঘৰ ৮৯ সংখ্যক অধিৱেশনত উপস্থিত মুখ্যমন্ত্ৰী সৰ্বানন্দ সোণোৱাল