গুৱাহাটী, 27 মে': এইবাৰ কৃষি বিভাগৰ বিৰুদ্ধে সৰৱ হ'ল আৰটিআই কৰ্মী ৷ সোমবাৰে গুৱাহাটী প্ৰেছ ক্লাৱত এক সংবাদমেল আয়োজন কৰি হায়দৰাবাদস্থিত নুজিৰচিদা বীজ লিমিটেড আৰু কাবেৰী বীজ লিমিটেড প্ৰতিষ্ঠানৰ বিৰুদ্ধে সৰৱ হৈ পৰে আৰটিআই কৰ্মী প্ৰদীপ কলিতা ৷
বহিঃৰাজ্যত নিলম্বিত হোৱা প্ৰতিষ্ঠান দুটাই অসমত নিবিদাৰ সুবিধা কেনেকৈ পালে বুলি প্ৰশ্ন উত্থাপন কৰি কৃষি বিভাগৰ একাংশ উৰ্ধতম কৰ্তৃপক্ষৰ বাবে দুয়োটা প্ৰতিষ্ঠানে অসমৰ বীজ যোগানৰ বাবে চৰকাৰে আহ্বান জনোৱা নিবিদাত অংশ ল'ব পাৰিছে বুলি প্ৰকাশ কৰে প্ৰদীপ কলিতাই ৷ সংবাদমেলত অন্তত এই প্ৰতিষ্ঠানদুটাৰ নিবিদাক কোনো কাৰণতে গ্ৰহণ নকৰিবলৈ দাবী উত্থাপন কৰে কলিতাই ৷
উল্লেখ্য যে, ভেজাল বীজ যোগান ধৰাৰ বাবে দুয়োটা প্ৰতিষ্ঠানকে অন্ধ্ৰপ্ৰদেশ চৰকাৰে নিলম্বিত কৰিছিল ৷
TAGGED:
rti worker pradip kalita