ৰঙিয়াত দিন দুপৰতে চোৰৰ তাণ্ডৱ

কামৰূপ জিলাৰ ৰঙিয়াত দিন দুপৰতে চোৰৰ তাণ্ডৱ । ঘৰত কোনো নথকাৰ সুযোগ গ্ৰহণ কৰি চোৰৰ তাণ্ডৱ ৷ কোনো নথকাৰ সুযোগ গ্ৰহণ কৰি ঘৰৰ ভিতৰত চোৰৰ প্ৰৱেশ ৷ চোৰে গডৰেজ আৰু ড্ৰয়াৰ ভাঙি লণ্ড ভণ্ড কৰাৰ লগতে মাটিৰ নথি পত্ৰসহ AS ১৪ A ৮২৭৪ নম্বৰৰ পালচাৰ বাইক এখন, নগদ ধনকে ধৰি বহু মূল্যৱান সামগ্ৰী লৈ উধাও হয় ৷

ৰঙিয়া,২৪ এপ্ৰিল: কামৰূপ জিলাৰ ৰঙিয়াত দিন দুপৰতে সংঘটিত এক চুৰি কাণ্ডই তীব্ৰ চাঞ্চল্যৰ সৃষ্টি কৰিছে ৷ শনিবাৰে ৰঙিয়া ৰেলৱে ব্ৰিক ফিল্ড ক'লনিত এই চুৰিকাণ্ড সংঘটিত কৰি চোৰে গডৰেজ আৰু ড্ৰয়াৰ ভাঙি লণ্ড ভণ্ড কৰাৰ লগতে মাটিৰ নথি পত্ৰসহ AS ১৪ A ৮২৭৪ নম্বৰৰ পালচাৰ বাইক এখন, নগদ ধনকে ধৰি বহু মূল্যৱান সামগ্ৰী লৈ উধাও হয় ৷

ঘটনাৰ বিৱৰণী অনুসৰি, ঘৰত কোনো নথকাৰ সুযোগ গ্ৰহণ কৰি ৰেলৱেৰ অভিযান্ত্ৰিক বিভাগৰ কৰ্মচাৰী হৰেশ্বৰ বৰ্মনৰ আৱাসিক গৃহত চোৰে সংঘটিত কৰিলে এই চুৰিকাণ্ড । ঘটনাস্থলীত আৰক্ষীৰ লোক উপস্থিত হৈ অভিযান আৰম্ভ কৰে যদিও বৰ্তমানলৈকে চোৰক আটক কৰিবলৈ সক্ষম হোৱা নাই ৷

প্ৰাপ্ত তথ্য অনুসৰি, ৰেলৱেৰ অভিযান্ত্ৰিক বিভাগৰ কৰ্মচাৰী হৰেশ্বৰ বৰ্মনৰ পৰিয়ালৰ লোকে বিহুৰ বন্ধত ৰঙিয়াৰ ঘগ্ৰাপাৰস্থিত ঘৰলৈ গৈছিল । বিহুৰ বন্ধ শেষ কৰি হৰেশ্বৰ বৰ্মনে শনিবাৰে চাকৰিত যোগদান কৰিবলৈ অহাৰ সময়তে এই চুৰিকাণ্ড সংঘটিত হয় ।

লগতে পঢ়ক: অ’এনজিচিৰ কৰ্মচাৰী অলকেশৰ ঘৰত আনন্দৰ বন্যা