বকো,26 জানুৱাৰী : অসম ৰাজ্য তথা সমগ্ৰ ভাৰততে ৭১ তম গণৰাজ্য দিৱস বিভিন্ন জনে বিভিন্ন ধৰণে পালন কৰাৰ মূহুৰ্ততে গুৱাহাটীৰ 'লুইত ৰাইডাৰ্ছ অসম মটৰচাইকেল ক্লাবে' আজি বকোত আহি উপস্থিত হয় । বকো সমষ্টিৰ তাৰাবাৰী আঞ্চলিক হাইস্কুলত স্কুল খনৰ শিক্ষক শিক্ষয়িত্ৰী তথা ছাত্ৰ ছাত্ৰীৰ সৈতে পালন কৰে গণৰাজ্য দিৱস । লগতে তেওঁলোকে তাৰাবাৰী হাইস্কুলৰ প্ৰাক্তন ছাত্ৰ তথা বি এছ এফ জোৱান শ্বহীদ ৰাজু কুমাৰ বড়োৰ শ্বহীদ তৰ্পনত মাল্যৰ্পন কৰে আৰু ধূপ, চাকি বন্তি জ্বলাই শ্বহীদ ৰাজু কুমাৰ বড়োক সোঁৱৰে । অনুষ্ঠানৰ শেষত 'লুইত ৰাইডাৰ্ছ অসম মটৰচাইকেল ক্লাবে' শ্বহীদ ৰাজু কুমাৰ বড়োৰ পিতৃ, মাতৃ, পত্নী আৰু সন্তানক গামোচা আৰু স্মাৰক চিহ্ন প্ৰদান কৰে ।
বকোত লুইত ৰাইডাৰ্ছ ক্লাবৰ দ্বাৰা শ্বহীদক শ্ৰদ্ধাঞ্জলি অৰ্পণ