আৰক্ষীৰ জালত কনিহাৰ ধৰ্ষণ কাণ্ডত অভিযুক্ত

ৰঙিয়া আৰক্ষীয়ে বাইহাটাৰ পৰা আটক কৰে ধৰ্ষণকাৰী ইহাচিন আলীক

ৰঙিয়া,4 আগষ্টঃ ৰঙিয়া আৰক্ষীৰ জালত কিশোৰী ধৰ্ষণকাৰী ৷ ৰঙিয়াৰ কনিহাৰ এগৰাকী কিশোৰী ধৰ্ষণকাৰীক আটক কৰিবলৈ সক্ষম হয় ৰঙিয়া আৰক্ষী ৷ বাইহাটাৰ পৰা ৰঙিয়া আৰক্ষীয়ে আটক কৰে ধৰ্ষণকাৰী ইহাচিন আলীক ৷

উল্লেখ্য যে, ধৰ্ষণকাৰীক আটক কৰাৰ দাবীত শনিবাৰে ৰাইজে কনিহাত পথ অৱৰোধ কৰিছিল ৷ লগতে ৰঙিয়া আঞ্চলিক ছাত্ৰ সন্থায়ো মহকুমা আৰক্ষী বিষয়াক স্মাৰক পত্ৰ প্ৰদান কৰিছিল । ৪৮ ঘণ্টা উকলি যোৱাৰ পিছতো ধৰ্ষণকাৰীক আটক কৰিবলৈ সক্ষম নোহোৱাত ৰঙিয়া আৰক্ষী তীব্ৰ সমালোচনাৰ সন্মুখীনো হৈছিল ৷