ৰঙিয়া,21 মাৰ্চ: সমগ্ৰ ৰাজ্যতে বলিছে নিৰ্বাচনৰ গৰম বতাহ ৷ সমষ্টিয়ে সমষ্টিয়ে চলিছে প্ৰাৰ্থীৰ নিৰ্বাচনী প্ৰচাৰ ৷ আন আন সমষ্টিসমূহৰ দৰে ৫৭ নং ৰঙিয়া বিধানসভা সমষ্টিটো প্ৰতিটো ৰাজনৈতিক দলে চলাই গৈছে প্ৰচাৰ ৷ ইফালে শাসকীয় দল বিজেপিক প্ৰতিহত কৰিবলৈ সাজু হৈছে কংগ্ৰেছ নেতৃত্বধীন মহাজোঁটৰ প্ৰাৰ্থীৰ লগতে নতুনকৈ গঠন হোৱা ৰাইজৰ দলৰ প্ৰাৰ্থী হৰেশ্বৰ বৰ্মন ৷ জলসিঞ্চন মন্ত্ৰী ভৱেশ কলিতাৰ বিপক্ষে প্ৰতিদ্বন্দ্বিতা কৰা প্ৰাৰ্থী গৰাকী সাজু হৈছে বিজেপিক হৰুৱাবলৈ ৷
নিৰ্বাচনী প্ৰচাৰ চলোৱাৰ সমান্তৰালভাৱে ৰাইজৰ দলৰ প্ৰাৰ্থী গৰাকীয়ে বিজেপি দল আৰু ৰঙিয়াৰ বিধায়ক তথা মন্ত্ৰী ভৱেশ কলিতাক সমালোচনাও কৰি গৈছে ৷ নিৰ্বাচনী বৈতৰণী পাৰ হোৱাৰ বাবে প্ৰভাৱশালী মন্ত্ৰী ভৱেশ কলিতাই বৃহৎ পৰিমাণৰ ধনৰাশি খৰছ কৰা বুলি উল্লেখ কৰি প্ৰাৰ্থী গৰাকীয়ে কয়, মাটি বন্ধকত থৈ নিৰ্বাচনত অৱৰ্তীৰ্ণ হৈছো ৷ গতিকে বিজেপি আৰু ৰঙিয়াৰ বিজেপি প্ৰাৰ্থী ভৱেশ কলিতাক যিকোনো প্ৰকাৰে প্ৰতিহত কৰি নিৰ্বাচনত জয়ী হোৱাৰ খেতিৰ মাটি বিক্ৰী কৰিবলৈয়ো প্ৰস্তুত আছো ৷