ৰঙিয়া,7 জানুৱাৰী:ৰঙিয়াৰ মাদৈকাটাত কুঁহিয়াৰ খেতিৰে সংস্থাপনৰ বাট মোকলাবলৈ সক্ষম হৈছে পাঁচ শতাধিক পৰিয়ালে। ২০০২ চনৰ প্ৰলয়ংকৰী বানে অঞ্চলটোত সন্ত্ৰাস সৃষ্টি কৰি কৃষকৰ ৰাজহাড় ভাঙি পেলোৱাৰ পিচতো গাঁওখনৰ হেজাৰ বিঘাৰো অধিক মাটিত কুঁহিয়াৰ খেতিৰে বৰ্তমান আৰ্থিকভাৱে স্বচ্ছল হৈ এক নিদৰ্শন দাঙি ধৰিছে শ্ৰমজীৱী লোকসকলে ।
কুঁহিয়াৰ খেতিৰে স্বাৱলম্বী হৈছে ৰঙিয়াৰ এদল খেতিয়ক
২০০২ চনত প্ৰলয়ংকৰী বানে অঞ্চলটোৰ বৃহৎ খেতিপথাৰ বালিয়ে পুতি পেলোৱাত কৃষি শষ্য সম্পূৰ্ণ বিনষ্ট হয়। পৰৱৰ্তি সময়ত বালিয়ে পুতি পেলোৱা সেই মাটিত ধান খেতি নোহোৱাত সমস্যাত পৰে কৃষিজীৱী লোকসকল। জীৱিকাৰ একমাত্ৰ পথ হেৰুৱাই হতাশাত ভাগি পৰে খেতিয়কসকল। এনে সময়তে দুজনমান উদ্যমী ব্যক্তিয়ে ৪/৫ বিঘা মান মাটিত গৱেষণামূলকভাৱে কুঁহিয়াৰৰ খেতি আৰম্ভ কৰে।