ৰাজ্যত সক্ৰিয় নাৰী সৰবৰাহকাৰী চক্ৰ! আটক দুই মহিলাসহ তিনি সন্দেহযুক্ত লোক

সোমবাৰে ৰেলযোগে ৰঙিয়া ষ্টেচনৰ পৰা গুজৰাটলৈ তিনিগৰাকী চাওতাল জনজাতিৰ কিশোৰী সৰবৰাহ কৰিবলৈ লোৱাৰ মহূৰ্তত বাক্সা জিলা চাওতাল ছাত্ৰ সন্থাৰ সহযোগত তিনি কিশোৰীক উদ্ধাৰ কৰাৰ লগতে দুই মহিলাসহ তিনি সন্দেহযুক্ত সৰবৰাহকাৰীক আটক কৰিবলৈ সক্ষম হয়

ৰঙিয়া,29 জুলাইঃ ৰাজ্যত সক্ৰিয় নাৰী সৰবৰাহকাৰী চক্ৰ ৷ সোমবাৰে ৰেলযোগে ৰঙিয়া ষ্টেচনৰ পৰা গুজৰাটলৈ তিনিগৰাকী চাওতাল জনজাতিৰ কিশোৰী সৰবৰাহ কৰিবলৈ লোৱাৰ মহূৰ্তত বাক্সা জিলা চাওতাল ছাত্ৰ সন্থাৰ সহযোগত তিনি কিশোৰীক উদ্ধাৰ কৰাৰ লগতে দুই মহিলাসহ তিনি সন্দেহযুক্ত সৰবৰাহকাৰীক আটক কৰিবলৈ সক্ষম হয় ৷ ঘটনা অনুসৰি,যোৱাকালি তামুলপুৰ মহকুমাৰ অন্তৰ্গত আঙাৰকাটাৰ দুগৰাকী কিশোৰীক নৱদ্বীপ বৰ্মণ নামৰ এজন লোকৰ ঘৰলৈ যোৱাৰ পাছৰে পৰা নিৰুদ্দেশ হৈ আছিল ৷ সেই সূত্ৰে বাক্সা জিলা চাওতাল ছাত্ৰ সন্থাৰ সভাপতি মাৰ্ছেল হেম্ব্ৰমে খবৰ লাভ কৰে যে নৱদ্বীপে ছোৱালী দুজনীক কৰ্মসংস্থাপনৰ প্ৰলোভনেৰে বহিঃৰাজ্যলৈ নিবলৈ ওলাইছে ৷ তাৰ পাছতে কিশোৰী দুগৰাকীক উদ্ধাৰৰ বাবে ৰঙিয়া ষ্টেচনত উপস্থিত হয় যদিও সেই স্থানতে কিশোৰী দুগৰাকীৰ পৰিৱৰ্তে অন্য তিনি গৰাকী কিশোৰীকহে উদ্ধাৰ কৰিবলৈ সক্ষম হয় ৷ উল্লেখযোগ্য যে, চাওতাল ছাত্ৰ সন্থাৰ নেতা হেম্ব্ৰমে নিৰুদ্দিষ্ট কিশোৰী দুগৰাকীক অভিযুক্ত নৱদ্বীপে সহযোগীৰ জৰিয়তে ইতিমধ্যেই কোনো গোপন স্থানলৈ পঠিয়াই দিয়া বুলি সন্দেহ প্ৰকাশ কৰিছে ৷