যুদ্ধজৰ্জৰ ইউক্ৰেইনৰ পৰা ওভতি আহিল ৰঙিয়াৰ মণিষা ৱাহিদ

যুদ্ধ বিধ্বস্ত ইউক্ৰেইনৰ পৰা মঙলবাৰে নিশা ৰঙিয়া পালেহি মণিষা ৱাহিদ (Student from Ukraine reached home in Rangia)। সুদীৰ্ঘ ২২ ঘন্টা ধৰি হাংগেৰী হৈ ভাৰতলৈ আহিছিল মণিষা । মণিষা নিজ গৃহত উপস্থিত হোৱাৰ পিছতে উৎফুল্লিত হৈ পৰিছে মণিষাৰ পৰিয়ালবৰ্গ ।

ৰঙিয়া, 2 মাৰ্চ : শাম কটা নাই ৰাছিয়া আৰু ইউক্ৰেইনৰ মাজৰ যুদ্ধ (Russia Ukraine war)৷ বুধবাৰে সাত দিন অতিক্ৰম কৰিলে এই যুদ্ধই ৷ এতিয়াও ইউক্ৰেইনৰ অপৰ আক্ৰমণ অব্যাহত ৰাখিছে ৰাছিয়াই (Russia's attack on Ukraine)৷ ৰাছিয়ান সেনাবাহিনীৰ আক্ৰমণত ধ্বংসস্তূপত পৰিণত হৈছে দেশখনৰ বহু অঞ্চল ৷ ইয়াৰ মাজতে প্ৰাণৰ মমতাত ইউক্ৰেইন এৰিছে বিভিন্ন দেশৰ পৰা গৈ বাস কৰা লোকসকলে ৷ যাৰ মাজত আছে বহু ভাৰতীয় ৷

ভাৰত চৰকাৰ আৰু ভাৰতীয় দূতাবাসে ইতিমধ্যে যথেষ্ট সংখ্যক ছাত্ৰ-ছাত্ৰী তথা আন ভাৰতীয়ক উদ্ধাৰ কৰি ভাৰতলৈ আনিছে (India's rescue operation in Ukraine)৷ এইসকলৰ মাজত অসমৰো বহ ছাত্ৰ-ছাত্ৰী আছে ৷ যুদ্ধজৰ্জৰ ইউক্ৰেইনৰ পৰা ওভতি আহিল ৰঙিয়াৰ মণিষা ৱাহিদ (Student from Ukraine reached home in Rangia)। যুদ্ধ বিধ্বস্ত ইউক্ৰেইনৰ পৰা মঙলবাৰে নিশা দিল্লী হৈ নিজৰ ঘৰত উপস্থিত হয় মণিষা ।

সুদীৰ্ঘ ২২ ঘন্টা হাংগেৰী হৈ ভাৰতলৈ আহিছিল মণিষা । যোৱা ছটা দিনে ইউক্ৰেইনত এটি গৃহৰ ভিতৰত নিজক সুৰক্ষিত কৰি ৰখাৰ উদ্দেশ্যে আৱদ্ধ হৈ আছিল মণিষা । ধন আৰু খাদ্যৰ অভাৱত এসাঁজ খাই এসাঁজ লঘোনে থাকিবলৈ বাধ্য হৈছিল অসমৰ পৰা যোৱা প্ৰায় ডেৰ শতাধিক ছাত্র-ছাত্ৰী ।

যুদ্ধ আৰম্ভ হোৱাৰে পৰা কিদৰে হাতৰ মুঠিত জীৱন লৈ থাকিবলৈ বাধ্য হৈছিল সেই কথা বিস্তৃতভাৱে বৰ্ণনা কৰিলে মণিষা ৱাহিদে । অৱশেষত ভাৰত চৰকাৰে ওভতাই আনিলে ইউক্ৰেইনত আৱদ্ধ বহু ছাত্র-ছাত্ৰীক । মণিষা নিজ গৃহত উপস্থিত হোৱাৰ পিছতে উৎফুল্লিত হৈ পৰিছে মণিষাৰ পৰিয়ালবৰ্গ । ভাৰত চৰকাৰক বৰ্তমানেও ইউক্ৰেইনত আবদ্ধ হৈ থকা ভাৰতীয় ছাত্ৰ-ছাত্ৰীসকলক উদ্ধাৰৰ বাবে আহ্বান জনাইছে মনিষা আৰু পৰিয়ালৰ লোকে ৷

লগতে পঢ়ক :Russia Ukraine crisis : ইউক্ৰেইন সন্দৰ্ভত ফ্ৰান্সৰ ৰাষ্ট্ৰপতিৰে নৰেন্দ্ৰ মোডীৰ আলোচনা