ৰঙিয়াত মানৱতাৰ উৎকৃষ্ট নিদৰ্শন

বংশ পৰিয়াল আৰু সন্তানৰ পৰা এলাগী হৈ পৰা ৰাজকুমাৰ গৌড় নামৰ ব্যক্তি গৰাকীৰ সৎকাৰৰ বাবে আগবাঢ়ি আহিল মুছলমান সম্প্ৰদায়ৰ লোক

কামৰূপ, 24 আগষ্টঃ ৰঙিয়াত দেখা গ'ল মানৱতাৰ উৎকৃষ্ট নিদৰ্শন ৷ যি সময়ত ধৰ্মৰ বাবে মানৱ সমাজ ভাগ ভাগ হ'বলৈ লৈছে, তেনে সময়তে ৰঙিয়াত দেখা গ'ল সম্প্ৰীতিৰ অপূৰ্ব এনাজৰী । বংশ পৰিয়াল আৰু সন্তানৰ পৰা এলাগী হৈ পৰা ৰাজকুমাৰ গৌড় নামৰ ব্যক্তি গৰাকীৰ সৎকাৰৰ বাবে আগবাঢ়ি আহিল মুছলমান সম্প্ৰদায়ৰ লোক ৷ হিন্দু ধৰ্মৰ পূজাৰী মাতি আনি সম্পূৰ্ণ হিন্দু ৰীতি-নীতিৰে সৎকাৰৰ ব্যৱস্থা কৰিছে স্থানীয় মুছলমান সম্প্ৰদায়ৰ ৰাইজে ।

আনহাতে, এবিএমছুৰ নেতা নজৰুলে ইছলামে সমূহ ৰাইজলৈ সকলো ভেদাভেদ পাহৰি মিলাপ্ৰীতিৰে বাস কৰিবলৈ আহ্বান জনায় ।