ৰঙিয়া, 28 ডিচেম্বৰ : কামৰূপ জিলাৰ ৰঙিয়াৰ কলমণী-বৰকুকুৰীয়াত এখন দলঙৰ নিৰ্মাণ কাৰ্যত বাধা হৈ থিয় দিছে কেইডালমান উচ্চ ক্ষমতা সম্পন্ন বিদ্যুৎ পৰিবাহী তাঁৰ ৷ অঞ্চলটোৰ ডানিছ আলি পথত থকা দলঙখনৰ নিৰ্মাণ ইতিমধ্যে 80 শতাংশ সম্পূৰ্ণ হৈছে ।
নিৰ্মিয়মান দলঙখনৰ একেবাৰে গাতে লাগি থকা ট্ৰেন্সফৰ্মাটোৰ বাবে বৰ্তমান নিৰ্মাণ কাৰ্যত অসুবিধাৰ সৃষ্টি হৈছে । এই ট্ৰেন্সফৰ্মাটোৰ পৰা দলঙৰ ওপৰেৰে আৰু কাষেৰে অতি উচ্চ ক্ষমতা সম্পন্ন বিদ্যুৎ পৰিবাহী তাঁৰ সমূহ টনা আছে । ফলত দলঙখনত শেহতীয়াকৈ নিৰ্মাণ কৰিবলগীয়া ৰেলিং আৰু তলৰ ফালৰ এক বৃহৎ অংশৰ নিৰ্মাণ বন্ধ কৰিবলগীয়া হৈছে ।
ৰঙিয়াত দলং নিৰ্মাণত কাঁইট হৈ থিয় দিছে বিদ্যুৎ পৰিবাহী তাঁৰ