বৰলীয়া নৈৰ গৰাখহনীয়াত অতিষ্ঠ ৰঙিয়াবাসী

চৰকাৰ,সংশ্লিষ্ট বিভাগ অথবা নেতা-মন্ত্ৰী কোনেও সহায় নকৰাৰ অভিযোগ। জীৱন-জীৱিকা লৈ গভীৰ সংকট কঢ়িয়াই অনা বৰলীয়া নৈৰ গৰাখহনীয়া ৰোধৰ বাবে আহ্বান ভুক্তভোগীৰ অহ্বান ৷

ৰঙিয়া, 22 জানুৱাৰীঃ ৰঙিয়াৰবৰলীয়া নৈৰ ভয়াৱহ গৰাখহনীয়াত উত্তৰ বনগাঁওত কেইবাটাও গৃহ জাহ যোৱাৰ উপক্ৰম হৈছে। আতংকিত হৈ পৰিছে গঞা ৰাইজ। কাণসাৰ নাই জলসম্পদ বিভাগ অথবা চৰকাৰৰ। চৰকাৰ,সংশ্লিষ্ট বিভাগ অথবা নেতা-মন্ত্ৰী কোনেও সহায় নকৰাৰ অভিযোগ। এইসকল লোকৰ জ্বলন্ত সমস্যাকলৈ মুঠেও দায়িত্ববোধ নাই । বাৰম্বাৰ বিভাগীয় কৰ্তৃপক্ষক গৰাখহনীয়া প্ৰতিৰোধ কৰাৰ ব্যৱস্থা কৰিবলৈ ৰাইজে দাবী জনাই আহিছে যদিও কোনো ব্যৱস্থা লোৱা নাই । নৈ পৰীয়া গঞা ৰাইজ বৰলীয়া নৈৰ ভংয়কৰ খহনীয়াৰ তাণ্ডৱ ৰূপত আংতকিত হৈ পৰিছে। পথৰ বাবে নিজৰ ম‍্যাদী মাটি এৰি দিয়া বহুলোকৰ বাসগৃহও ইতিমধ্যে নৈত জাহ গৈছে। যাতায়াত -যোগাযোগকে ধৰি সকলো দিশতে পিছপৰা এই নৈ পৰীয়া অঞ্চলতোৰ অৰ্ধ-শতাধিক পৰিয়ালৰ জীৱন-জীৱিকা লৈ গভীৰ সংকট কঢ়িয়াই অনা বৰলীয়া নৈৰ গৰাখহনীয়া ৰোধৰ বাবে চৰকাৰ-প্ৰশাসন তথা জলসম্পদ বিভাগে কোনো পদক্ষেপ গ্ৰহণ কৰা নাই এই পৰ্যন্ত।

লগতে চাওকঃসৰভোগৰ বেকী নৈত শিল-বালিৰ অবৈধ ব্যৱসায়