খৰালি কালতো বানত বুৰি আছে ৰঙিয়াৰ এটা অঞ্চল

ৰঙয়িতা আবতৰীয়া বানৰ কৱলত কেবাটাও অঞ্চল ৷ ৰঙিয়া পানী নিষ্কাশনৰ বিজ্ঞানসন্মত ব্যৱস্থা নথকাৰ বাবে আবতৰীয়া বানৰ কৱলত পৰা অভিযোগ ভুক্তভোগী ৰাইজৰ ৷

ৰঙিয়া, 28 জানুৱাৰীঃ খৰালি কালতো বানত বুৰি আছে ৰঙিয়াৰ এটা অঞ্চল ৷ বাৰিষাৰ বানপানীৰ লগত অসমৰ ৰাইজ ভালদৰেই পৰিচিত। কিন্তু খৰালিৰ শুকান বতৰতো কৃত্ৰিম বানত ডুব গৈ আছে ৰঙিয়াৰ এখন গাঁও। খৰালি মাহৰ বানে জ্বলা-কলা খুৱাইছে ৰঙিয়াৰ উত্তৰ বনগাঁওৰ ১৭০ টাকৈ পৰিয়ালক । ৰঙিয়া নগৰৰ পানী নিষ্কাশনৰ বিজ্ঞানসন্মত ব্যৱস্থা নথকাৰ বাবে আবতৰীয়া বানৰ কৱলত পৰিছে ৰঙিয়াবাসী, এই অভিযোগ ভুক্তভোগী ৰাইজৰ ৷ উপযুক্ত পানী নিস্কাষণৰ ব্যৱস্থা নথকাৰ বাবেই কৃত্ৰিম বান পানী হোৱাৰ ফলত বিভিন্ন ৰোগত আক্ৰান্ত হৈছে লোকসকল ।

আবতৰত বানপানীৰ কৱলত ৰঙিয়া

বিশেষকৈ কণ-কণ ল'ৰা-ছোৱালীয়ে ছালৰ ৰোগত আক্ৰান্ত হ'ব লগা হৈছে । কদৰ্য পানীৰে ভৰি পৰাত গছ-গছনি,খেতিপথাৰ বিনষ্ট হোৱাৰ লগতে পশুধনৰো হানি হোৱাৰ উপক্ৰম হৈছে । কৃত্ৰিম বানৰ বাবে গাঁওখনত ১০৮ এম্বুলেন্স সেৱা অথবা অগ্নি নিৰ্বাপক বাহিনী আহিব পৰা নাই । স্থানীয় ৰাইজে বিভাগীয় কৰ্তৃপক্ষক বাৰম্বাৰ দাবী জনাই আহিছে যদিও কোনো গুৰুত্ব নিদিয়াৰ অভিযোগ উত্থাপন হৈছে।

লগতে চাওকঃখাম, চিফুঙৰ তালে তালে বাগৰুম্বা নৃত্য প্ৰদৰ্শন কৰি ফটকা ফুটাই আনন্দ উল্লাস বড়োভূমিত