ৰঙিয়া,23 ছেপ্তেম্বৰঃ ৰঙিয়াৰ পলিক্লিনিক হস্পিতালৰ বিৰুদ্ধে অভিযোগ উত্থাপন কৰি মঙলবাৰে এগৰাকী মহিলাই ছ'চিয়েল মিডিয়া যোগে এটি ভিডিঅ’ প্ৰচাৰ কৰাৰ পিছতে বুধবাৰে হস্পিতাল কৰ্তৃপক্ষই এক সংবাদমেলৰ আয়োজন কৰে । উল্লেখযোগ্য যে, সমগ্ৰ ঘটনাৰ বিষয়ে মঙলবাৰে ইটিভি ভাৰত, অসমে সবিস্তাৰে বাতৰি পৰিবেশন কৰিছিল ৷
অৱশেষত ৰঙিয়া প্ৰেছ ক্লাবত বুধবাৰে আয়োজিত সংবাদমেলত চিকিৎসালয় খনৰ চিকিৎসক বেদশ্ৰী কাশ্যপে কয় যে, কল্পনা চৌধুৰীয়ে সম্পূৰ্ণ পৰিকল্পনা কৰি হস্পিতালখনৰ বিৰুদ্ধে এই মিছা অভিযোগ আনিছে। লগতে তেঁও জানিবলৈ দিয়ে যে, আগৰ পৰাই প্ৰসৱ বেদনা আহি থকা মহিলা গৰাকী একেবাৰে অন্তিম সময়ত চিকিৎসালয়ত উপস্থিত হৈছিল। কিন্তু তেঁও একেবাৰে অন্তিম সময়তহে চিকিৎসালয়ত উপস্থিত হোৱা বাবে মাত্ৰ সাত মিনিটৰ পিছতেই সন্তানটিৰ জন্ম হৈছিল।
ইটিভি বাতৰিৰ প্ৰভাবঃ ৰঙিয়া পলিক্লিনিক হস্পিটাল কৰ্তৃপক্ষৰ সংবাদমেল