বেদখলকাৰীৰ কৱলত ঐতিহাসিক আৰিমত্ত গড়

বেদখলকাৰীৰ কৱলত ৰঙিয়াৰ ঐতিহাসিক আৰিমত্ত গড় ৷ ইতিহাসৰ এক অবিচ্ছেদ্য অংগ আৰিমত্ত গড় ৰঙিয়াৰে নহয় সমগ্ৰ অসমৰে গৌৰৱোজ্জ্বল ঐতিহাসিক সম্পদ ৷ ৰজা আৰিমত্তই নগৰখনৰ সুৰক্ষাৰ বাবে এই গড় নিৰ্মাণ কৰিছিল । কিন্তু সম্প্ৰতি গড়টোৰ বিভিন্ন অঞ্চল বেদখলকাৰীৰ কৱলত পৰিছে ।

ৰঙিয়া,15 ফেব্ৰুৱাৰীঃ বেদখলকাৰীৰ কবলত ৰঙিয়াৰ ঐতিহাসিক আৰিমত্ত গড় ৷ ইতিহাসৰ এক অবিচ্ছেদ্য অংগ আৰিমত্ত গড় ৰঙিয়াৰে নহয় সমগ্ৰ অসমৰে গৌৰৱোজ্জ্বল ঐতিহাসিক সম্পদ ৷ ৰজা আৰিমত্তই নগৰখনৰ সুৰক্ষাৰ বাবে এই গড় নিৰ্মাণ কৰিছিল । কিন্তু সম্প্ৰতি গড়টোৰ বিভিন্ন অঞ্চল বেদখলকাৰীৰ কবলত পৰিছে । গড়টোৰ সমীপত একাংশ বেদখলকাৰীয়ে বাসগৃহ নিৰ্মাণৰ লগতে গছ-গছনিসমুহ কাটি তহিলং কৰিছে ।

আনহাতে, সচেতন লোকসকলে বেদখলকাৰীৰ কবলত থকা আৰিমত্ত গড়ৰ ভূমিখিনি বেদখলমুক্ত কৰিবলৈ প্ৰশাসনক বাৰম্বাৰ অনুৰোধ জনাই অহাৰ পিছতো আজিলৈকে কোনো কাৰ্যকৰী ব্যৱস্থা গ্ৰহণ কৰা নাই । ঐতিহাসিক গড়টোৰ ভূমি দখল প্ৰসংগতো প্ৰশাসনে গুৰুত্বপূৰ্ণভাৱে গ্ৰহণ নকৰাত বেদখলকাৰী আৰু প্ৰশাসনৰ মাজৰ সম্পৰ্কক লৈ স্থানীয় ৰাইজৰ মাজত সন্দেহৰ সৃষ্টি হৈছে ৷

লগতে চাওকঃঢোলৰ চেওত হাত মেলি-মেলি নাচিলে ৰণবীৰ সিঙে