ৰাজ্যজুৰি 71 সংখ্যক গণৰাজ্য দিৱসৰ ব্যাপক প্ৰস্তুতি

14:55 January 24

ধুবুৰীত 71তম গণৰাজ্য দিৱসৰ ব্যাপক প্ৰস্তুতি

ধুবুৰী , 24 জানুৱাৰী :ৰাজ্যৰ সমান্তৰালকৈ ৭১ সংখ্যক গণৰাজ্য দিৱস উদযাপন কৰিবলৈ তৎপৰ ধুবুৰী জিলা প্ৰশাসন । কেন্দ্ৰীয় ভাৱে উদযাপন হ'বলগীয়া ধুবুৰীৰ ৰাজা প্ৰভাত চন্দ্ৰ বৰুৱা খেল পথাৰৰ চাৰিওফালে এইদৰে নিৰাপত্তাৰ ক্ষেত্ৰত দৃষ্টি নিক্ষেপ কৰিছে ধুবুৰী আৰক্ষীয়ে । খেলপথাৰত আৰক্ষী,গৃহৰক্ষী বাহিনী আৰু বিভিন্ন স্কুল-কলেজৰ ছাত্ৰ-ছাত্ৰীয়ে অনুশীলন অব্যাহত ৰাখিছে । ইপিনে ধুবুৰী জিলাৰ সদৰৰ লগতে ভিতৰুৱা চৰ অঞ্চলতো আৰক্ষীয়ে তালাচি অভিযান চলোৱা বুলি সদৰী কৰে জিলা অতিৰিক্ত আৰক্ষী অধীক্ষক নিৰূপম হাজৰিকাই ।

আৰু পঢ়ক : ধুবুৰীত কৃষক মুক্তি সংগ্ৰাম সমিতিৰ অনশন

12:50 January 24

বাক্সাৰ মুছলপুৰত গণৰাজ্য দিৱসৰ ব্যাপক প্ৰস্তুতি

বাক্সা , 24 জানুৱাৰী :বাক্সাৰ মুছলপুৰতো দেখা গ'ল গণৰাজ্য দিৱসৰ ব্যাপক প্ৰস্তুতি ৷ বাক্সাৰ মুছলপুৰ ষ্টেডিয়ামৰ খেলপথাৰত প্ৰতিদিনে চলিছে অসম আৰক্ষী, এন চি চি, স্কাউট এণ্ড গাইডৰ অনুশীলন ৷ অসম আৰক্ষী, এন চি চি, স্কাউট এণ্ড গাইড আৰু ছাত্ৰ-ছাত্ৰী সকল অনুশীলনত ব্যস্ত হৈ পৰাৰ লগতে তেওঁলোকৰ মাজত দেখা গৈছে ব্যাপক উৎসাহ উদ্দীপনা ৷ যান-বাহনৰ তালাচী চলোৱাৰ লগতে নিৰাপত্তা বেষ্টনীও কটকটীয়া কৰিছে বুলি মন্তব্য কৰে জিলা উপায়ুক্ত ৰঞ্জন শৰ্মাই ৷ ছাত্ৰ - ছাত্ৰী আৰু ৰাইজৰ মাজত সজাগতা বৃদ্ধিৰ বাবে মাৰাথান দৌৰ, চাইকেল ৰেলী কৰিব বুলিও উল্লেখ কৰে উপায়ুক্ত গৰাকীয়ে ৷

আৰু পঢ়ক : বৰমাত বিচিটিৰ প্ৰথমখন কৃষক সমাৰোহ

10:57 January 24

ৰঙিয়াত গণৰাজ্য দিৱসৰ ব‍্যাপক প্ৰস্তুতি

ৰঙিয়া , 24 জানুৱাৰী : ৰাজ্যৰ সমান্তৰালকৈ ৰঙিয়াতো দেখা গৈছে গণৰাজ্য দিৱসৰ ব্যাপক প্ৰস্তুতি ৷ ৰঙিয়া উচ্চতৰ মাধ্যমিক বিদ্যালয়ৰ খেলপথাৰত শীৰ্ষ আৰক্ষী বিষয়াৰ তত্ত্বাৱধানত অসম আৰক্ষী, এন চি চি, স্কাউট-গাইডৰ অনুশীলন । অনুশীলনত ভাগ লৈছে বিভিন্ন বিদ্যালয়, মহাবিদ্যালয়ৰ এন চি চি, স্কাউট এণ্ড গাইডৰ দল আৰু ছাত্ৰ-ছাত্ৰী সকলে । 

আৰু পঢ়ক : গণৰাজ্য দিৱস উপলক্ষ্যে ৰাজ্যত ব্যাপক প্ৰস্তুতি