মিৰ্জাৰ পলাশবাৰীত আৰক্ষীৰ সম্বৰ্ধনা কৃতি ছাত্ৰ-ছাত্ৰীক

২০১৮-১৯ বৰ্ষৰ প্ৰৱেশিকা পৰীক্ষাত উত্তীৰ্ণ হোৱা কৃতি ছাত্ৰ-ছাত্ৰীলৈ এই সম্বৰ্ধনা আৰক্ষীৰ

আজাৰা, ১৫ জুন : বিভিন্ন সময়ত একাংশ আৰক্ষীৰ বিৰুদ্ধে বিভিন্ন অভিযোগৰ ফলত সঘনাই বদনাম হৈ থাকে আৰক্ষী বিভাগতো। কিন্তু আৰক্ষীৰ খাকী পোছাকৰ মাজতো যে আছে আন এটা ৰূপ তাৰেই প্ৰতিফলন ঘটিল পলাশবাৰী আৰক্ষী থানাত। পলাশবাৰী আৰক্ষী থানাৰ উদ্যোগত শুকুৰবাৰে এক সম্বৰ্ধনা অনুস্থান অনুষ্ঠিত হয় । ২০১৮-১৯ বৰ্ষৰ প্ৰৱেশিকা পৰীক্ষাত উত্তীৰ্ণ হোৱা কৃতি ছাত্ৰ-ছাত্ৰীসকলক সম্বৰ্ধনা জনোৱা হয় ।

ছাত্ৰ-ছাত্ৰী সকলক প্ৰেৰণা আৰু উৎসাহ জনোৱাৰ উদ্দেশ্যে এই সম্বৰ্ধনাৰ আয়োজন কৰা হয় । এই সম্বৰ্ধনা অনুষ্ঠানত কামৰূপ জিলাৰ আৰক্ষী অধীক্ষক পাৰ্থ সাৰথি মহন্ত,উপ-আৰক্ষী অধীক্ষক কল্যাণ পাথক, বিশিষ্ট সমাজকৰ্মী অনিল দাসৰ লগতে বহুতো বিশিষ্ট ব্যক্তি উপস্থিত থাকে ।